سونے کی قیمت میں اضافہ
![](https://baaghitv.com/wp-content/uploads/2019/09/gold.jpg)
سونے کی قیمت میں اضافہ
باغی ٹی وی :سونا پھر مہنگا ہوا ہے ملک بھر میں فی تولہ سونے میں 1500 روپے کا اضافہ دیکھا گیا۔ سونے کی قیمت تاریخ کی بلند ترین سطح پر پہنچ گئی ہے۔
تفصیلات کے مطابق صرافہ مارکیٹ میں سونے کی قیمتوں میں اضافے کا تسلسل جاری ہے، سونا آج مجموعی طور پر 1500 روپے فی تولہ تک مہنگا ہوگیا۔چوبیس قیراط خالص سونے کی قیمت 94 ہزار دوسو روپے سے بڑھ کر 95 ہزار سات سو روپے فی تولہ ہوگئی، 22 قیراط سونا 87 ہزار پانچ سو روپے فی تولہ سے تجاوز کرگیا۔
چاندی کی قیمت میں بیس روپے فی تولہ اضافہ ریکارڈ کیا گیا، قیمت ایک ہزار 25 روپے فی تولہ پر پہنچ گئی ہے۔
واضح رہے کہ چین سے پھیلنے والا کوروناوائر سے دنیا بھرکی معیشت متاثر ہوئی ہے اور کاروباری حضرات اپنا سرمایا محفوظ بنانے کیلئے سونا خریدنے کو ترجیح دے رہے ہیں.تجزیہ کاروں نے پیش گوئی کی ہے کہ مارچ میں سونے کی قیمتیں 1700 ڈالر فی اونس تک جاسکتی ہے۔ عالمی منڈی میں قیمتیں بڑھنے کے سبب مقامی صرافہ بازاروں میں بھی سونےکی فی تولہ اوردس گرام کی قیمتوں میں اضافہ ہوا ہے۔