وفاقی وزیر کے بھتیجے نے کی مبینہ طور پر خودکشی

وفاقی وزیر کے بھتیجے نے کی مبینہ طور پر خودکشی

باغی ٹی وی کی رپورٹ کے مطابق وفاقی وزیربرائے سیفران شہریار آفریدی کے بھتیجے جواد آفریدی نے مبینہ طور پر فائرنگ کر کے خود کشی کر لی۔

پولیس کے مطابق جواد آفریدی نے کوہاٹ کے ڈی اے میں واقع اپنے گھر میں نامعلوم وجوہات کی بنا پر خودکشی کی، جواد آفریدی کو مردہ حالت میں ڈی ایچ کیو ہسپتال لایا گیا۔کوہاٹ۔جواد آفریدی کے سر میں گولی لگی ہے۔ جواد آفریدی کو ہمسائے نے خون میں لت پت اپنے کمرے سے ہسپتال منتقل کیا

جواد آفریدی واٹر اینڈ سینی ٹیشن کمپنی کوہاٹ میں میڈیا ایڈوائزر کی جاب کرتا تھا۔جواد آفریدی وزیر سیفران شہریار آفریدی کے بھائی ڈی ایس پی ریٹائرڈ سلطان آفریدی کا بیٹا تھا۔ پولیس کا کہنا ہے کہ خود کشی کی وجوہات کو جاننے کے لئے تحقیقات کر رہے ہیں.