مولانا سن لیں،ان ہاؤس تبدیلی کا خواب کبھی پورا نہیں ہو گا.گورنر پنجاب

مولانا سن لیں،ان ہاؤس تبدیلی کا خواب کبھی پورا نہیں ہو گا.گورنر پنجاب

باغی ٹی وی کی رپورٹ کے مطابق گورنر پنجاب چودھری سرور سے پی ٹی آئی رہنماعلیم خان کی ملاقات ہوئی ہے

ملاقات میں ملکی سیاسی صورتحال پر تبادلہ خیال کیا گیا، اس موقع پر گورنر پنجاب چودھری سرور کا کہنا تھا کہ پیپلزپارٹی اور فضل الرحمان سمیت سب 2023تک صبر کریں،ان ہاؤس تبدیلی اپوزیشن کا کبھی پورا نہ ہونے والاخواب ہے،

گورنر پنجاب چودھری سرور نے مزید کہا کہ ہر گزرتے دن پاکستان مضبوط اور مستحکم ہو رہا ہے، ملک کو عدم استحکام کا شکار کرنے کی کوشش کرنیوالے عوام کے خیر خواہ نہیں، احتجاج اور مارچ سے اپوزیشن کو مایوسی کے سوا کچھ نہیں ملے گا۔ وزیر اعظم عمران خان مسائل کو جڑوں سے ختم کر رہے ہیں، جی ایس پلس سٹیٹس میں توسیع ملکی معیشت کیلئے بڑا تحفہ ہے۔

چوہدری محمدسرور کا مزید کہنا تھا کہ اتحادیوں کے تحفظات کا یہ مطلب نہیں کہ کوئی لڑائی شروع ہوگئی ہے۔ اپوزیشن حکومت کیخلاف اے سے زیڈ تک جتنی مرضی پلان بنا لیں ‘اپوزیشن پلان ہی بناتی رہیگی اور حکومت آئینی مدت مکمل کر لے گی۔ اپوزیشن والے سن لیں 2023تک عمران خان ہی وزیراعظم ہیں۔

حکومت کی گردن پر بندوق رکھ کر معاہدہ نہیں کیا تھا، مونس الہیٰ ایک بار پھر پھٹ پڑے

اللہ عمران خان کو”ان لوگوں” سے دور رکھے، عمرہ پر روانگی سے قبل چودھری شجاعت کا بڑا بیان

آٹے کا بحران، حکومتی اتحادی بھی حکومت سے نالاں، بڑا مطالبہ کر دیا

حکومت کے ساتھ ہمارے کیا معاملات طے ہوئے تھے؟ مونس الہیٰ نے بتا دیا

واضح رہے کہ تحریک انصاف کی حکومت نے مسلم لیگ ق سے وعدہ کیا تھا کہ مونس الہیٰ کو وزارت دی جائے گی لیکن ابھی تک وعدہ وفا نہ ہوا جس کی وجہ سے مسلم لیگ ق میں بے چینی پائی جاتی ہے، حکومتی کمیٹی کے وفد نے چند روز قبل ق لیگ سے ملاقات کی تھی اور تحریک انصاف کے رہنما جہانگیر ترین نے مسلم لیگ ق کے تحفظات کو جائز قرار دیا تھا.