جب بھی ضرورت پڑی، جان دینے سے دریغ نہیں کریں گے:آپ اللہ پربھروسہ رکھیں ،شہید ونگ کمانڈر کا آخری انٹرویو،آخری وصیت

اسلام آباد :جب بھی ضرورت پڑی، جان دینے سے دریغ نہیں کریں گے:آپ اللہ پربھروسہ رکھیں ،شہید ونگ کمانڈر کا آخری انٹرویو،آخری وصیت ،ذرائع کےمطابق جیسے کہ آج صبح شکرپڑیاں کے قریب پاک فضائیہ کا ایف-16 طیارہ گر کر تباہ ہو گیا جس میں طیارے میں سوار پائلٹ ونگ کمانڈر نعمان اکرم بھی شہید ہو گئے۔

ایک طرف قوم اس سانحے پرغمگین ہے تو دوسری طرف شہید ونگ کمانڈرکی آخری وصیت کے منظرعام پرآنے کے بعد ایک خوشی کا سماں بھی ہے، ذرائع کے مطابق سوشل میڈیا پر ونگ کمانڈر نعمان اکرم کے آخری انٹرویو کی ویڈیو زیرِ گردش ہے۔

سوشل میڈیا پر زیرِ گردش ویڈیو میں نیو ٹی وی سے بات کرتے ہوئے کمانڈر نعمان اکرم کا کہنا تھا کہ جب بھی قوم و ملک کو ائیر فورس کی ضرورت پڑے گی، ہم انشاءاللہ اپنی جان کا نذرانہ دینے سے بھی دریغ نہیں کریں گے۔شہید ہونے والے ونگ کمانڈر نعمان اکرم نے مزید کہا کہ جو کچھ ہوسکتا ہے وہ ہم اپنے ملک لے لیے کرنے کو تیار ہیں۔

ونگ کمانڈر نعمان اکرم نے عوام کو کہا کہ آپ سب کو پریشان ہونے کی ضرورت نہیں ہے کیونکہ آپ لوگ محفوظ ہاتھوں میں ہیں، پاکستان ائیر فورس ہمیشہ ملک کی حفاظت کرنے کے لیے حاضر ہے۔