ریل گاڑیوں کی آمدورفت بند کردی گئی ،شیخ رشید ، نہیں بند ہوں گی ، وزارت ریلوے ،چند منٹوں میں ایک ہی وزارت کے دوفیصلے

لاہور: ریل گاڑیوں کی آمدورفت بند کردی گئی ،شیخ رشید ، نہیں بند ہوں گی ، وزارت ریلوے ،چند منٹوں میں ایک ہی وزارت کے دوفیصلے،اطلاعات کےمطابق وزارت ریلوے نے ملک بھر ٹرین آپریشن کی معطلی کے لیے جاری کیا گیا نوٹیفکیشن چند منٹوں میں ہی واپس لے لیا۔

وزیر ریلوے شیخ رشید احمد کی زیرصدارت ویڈیو لنک کے ذریعے ریلوے ہیڈکوارٹر لاہور میں اجلاس ہوا جس میں ریلوے افسران نے کورونا وائرس کے حوالے سے ریلوے آپریشن کی موجودہ صورتحال پرسفارشات پیش کیں۔

اجلاس میں ملک بھر میں ریلوے آپریشن معطل کرنے کا فیصلہ کیا گیا جس کے تحت ملک بھر میں ٹرین آپریشن 31 مارچ تک معطل کیا گیا اور اس سلسلے میں ایک نوٹی فکیشن بھی جاری کیا گیا جسے چند منٹوں میں ہی واپس لے لیا گیا ہے۔

ترجمان ریلوے کے مطابق وزارت ریلوے نے حکام کی ہدایت پر ٹرین آپریشن معطل کرنے کا نوٹی فکیشن واپس لے لیا۔ترجمان کا کہنا ہےکہ وزیراعظم اور وزیر ریلوے کی ملاقات کے بعد نیا نوٹیفیکیشن جاری کیا جائے گا۔واضح رہے کہ ملک میں کورونا وائرس کی موجودہ صورتحال کے پیش نظر محکمہ ریلوے نے اب تک 44 ٹرینیں بند کردی ہیں۔