ٹرمپ اور سابق امریکی صدر جمی کارٹر کے درمیان شدید جملوں کا تبادلہ

سابق امریکی صدر جمی کارٹر اورموجودہ امریکی صدر ٹرمپ کے مابین شدید گرما گرمی،جمی کارٹن نے ٹرم کو غیر آئینی صدر کہہ دیا جس کے جواب میں ٹرمپ نے جمی کارٹر کو ردی کی ٹوکری میں پھینکا صدر قرار دیا۔

باغی ٹی وی رپورٹ کے مطابق سابق امریکی صدر جمی کارٹر نے موجودہ صدرڈونلڈ ٹرمپ کی حکومت کو’غیرآئینی’ قرار دیا جس پر صدر ٹرمپ نے سخت رد عمل کا اظہارکرتے ہوئے جمی کارٹر کو ردی کی ٹوکری میں پھینکا صدر قرار دیا۔

جاپان میں’جی ٹوئنٹی’ اجلاس کے موقع پرصحافیوں سے بات کرتےہوئے صدر ٹرمپ نے کہا ان کودیکھو’ وہ (جمی کارٹر( ایک خوش گوار انسان تھے مگران کی صدارت ایک مصیبت تھی’۔

صدر ٹرمپ نے کہا کہ جمی کارٹر ڈیموکریٹس ہیں اور ڈیموکریٹس ہی کے وفادار ہیں۔ یہ ان کے لیے بحث کا مثالی پوائنٹ ہے’۔

اس کے بعد سابق صدر کو مخاطب کرتے ہوئے صدر ٹرمپ نے کہا کہ ‘مُجھے یقین ہے کہ جس حقیقت کو سب مانتے ہیں آپ بھی اس کا ادراک رکھتے ہیں۔ میں‌ روس کی وجہ صدر نہیں‌ بنا اورنہ ہی میری کامیابی میں کسی اور شخص کا ہاتھ ہے’۔

صدر ٹرمپ نے کہا کہ میں نے سنہ 2016ء کے انتخابات میں اس لیے کامیابی حاصل کیونکہ میں نے اپنی حریف ہیلری کلنٹن سےزیادہ محنت کی تھی۔

انہوں‌ نے کہا کہ میں جمی کارٹر کے حوالے سے بہت مایوس ہوا۔ ان کی جماعت نے اُنہیں ردی کی ٹوکری میں پھینک دیا تھا۔ صدر ٹرمپ نے کہا کہ جمی کارٹر کو اس کی اپنی جماعت نے ٹھکرا دیا۔ میں جانتا ہوں‌ کے سب یہی کہتے تھے کہ جمی کارٹر اچھا صدر ثابت نہیں‌ہوا۔