شوبز والوں کے پیچھے نہ پڑیں اپنی آخرت کی فکر کریں سب کو اپنی اپنی قبر میں جانا ہے، جویریہ سعود

پاکستان کی معروف اداکارہ جویریہ سعود نے چند روز قبل اپنے بچوں بیٹی جنت اور بیٹا ابراہیم کے ہمراہ ٹک ٹاک پر چند ویڈیوز بناکر شیئر کیں جو بعدازاں سوشل میڈیا پر خوب وائرل بھی ہوئیں

باغی ٹی وی :پاکستان کی معروف اداکارہ جویریہ سعود نے چند روز قبل اپنے بچوں بیٹی جنت اور بیٹا ابراہیم کے ہمراہ ٹک ٹاک پر چند ویڈیوز بناکر شیئر کیں جو بعدازاں سوشل میڈیا پر خوب وائرل بھی ہوئیں ان ویڈیوز میں جویریہ سعود ان کی بیٹی جنت اور بیٹا ابراہیم سیاہ شرٹس میں ملبوس کسی انگریزی گانے پر پرفارم کرتے نظر آئے

سوشل میڈیا پر ان ویڈیوز کے وائرل ہونے کے بعد لوگوں نے اداکارہ اور ان کے بچوں پر کمنٹس کیے اور دنیا بھر میں کورونا وائرس کی تیزی سے پھیلتی اس وبا کے دوران ایسی ویڈیوز شیئر کرنے پر تنقید کا نشانہ بھی بنایا

جس کے بعد اداکارہ جویریہ سعود نے ان تمام افراد کی جانب سے کی گئی تنقید کے جواب میں ایک نئی ویڈیو فیس بک شیئر کی 13 منٹ دورانیے کی اس ویڈیو میں جویریہ سعود نے کہا کہ وہ زندگی میں پہلی بار ایک ایسی ویڈیو بنا رہی ہیں جس میں انہوں نے لوگوں کے نفرت بھرے کمنٹس کا جواب دیا ہے جویریہ سعود کا کہنا تھا کہ زندگی میں پہلی بار انہوں نے ٹک ٹاک ویڈیو بچوں کے ستھ بنا کر اپ لوڈ کی

اداکارہ کا کہنا تھا کہ جب تک ان کے خلاف ایسے نفرت بھرے کمنٹس سامنے آئے وہ خاموش رہیں تاہم اپنے بچوں کے خلاف کی گئی کسی بھی بات پر وہ خاموش نہیں رہیں گی وہ بولیں گی اور اس سے بھی زیادہ بُرا بولیں گی جتنے بُرے آپ لوگوں نے کمنٹس لکھے ہیں مجھے

جویریہ سعود کا ان کے بچوں کی تربیت پر انگلی اٹھانے والوں کو جواب دیتے ہوئے کہنا تھا کہ آپ میرے بچوں کے بارے میں کیا جانتے ہیں؟ میں جانتی ہوں میرے قریبی لوگ جانتے ہیں میرے بچے کتنے نیک کتنے اچھے ہیں آپ خود ہیں کیا میں نماز پڑھتے ہوئے اللہ سے روتے ہوئے معافیاں مانگتے ہوئے ویڈیوز بناؤں کود کو شو آف کروں یہ میرے اور میرے اللہ کا معاملہ ہے آپ کون ہوتے ہو انگلیاں اٹھانے والے

اداکارہ نے کہا کہ میرا بیٹا وہ بیٹا ہے جو میرے ٹانگیں دبائے بغیر رات میں سوتا نہیں ہے میری بیٹی جنت نے 5 سال کی عمر سے روزے رکھنا شروع کیے اس نے پہلا عمرہ 5 سال کی عمر میں کیا مدینے سے مکے تک کا سفر بغیر آرام کئے کیا جس بچی نے کبھی پاؤں زمین پر نہیں رکھے تھے اس نے پورا عمرہ پوری سعی ننگے پاؤں کیا صرف اس لئے کہ میجھے ثواب کم نہ ملے جنت رات کو سوتے ہوئے مجھے اٹھاتی ہے اور روتے ہوئے کہتی ہے کہ مجھ سے آج یہ گناہ ہوا ہے اللہ مجھے معاف نہیں کرے گا اللہ مجھ سے ناراض ہوں گے کیا کروں میں ؟

اداکارہ نے مزید کہا کہ میرے بیٹے ابراہیم نے 3 سال کی عمر میں پہلا عمرہ کیا اس نے 5 سال کی عمر میں دوسرا عمرہ کیا اور غلاف کعبہ پکڑ کر ایسا رویا کہ سب کر رولا دیا میرے بچوں کے دل میں اللہ کی محبت موجود ہے میرے بچوں پر اللہ کا کرم ہے

جویریہ نے نفرت انگیز کمنٹس کرنے والوں سے سوال کیا کہ آپ کون ہیں جو مجھے بتائیں کہ میں توبہ کروں؟ آپ کون ہیں فرشتے ہیں آپ ؟ مجھے کورونا وائرس سے توبہ مانگنے کا درس دے رہے ہیں؟ مجھے نہیں ڈر لگتا کورونا وائرس سے جان ہی لیتا ہے صرف میں قلبی اور روحانی بیماریوں سے ڈرتی ہوں جو آپ کی روح کو چھلنی کر دیتی ہیں پہلے اپنے اندر کی ان بیماریوں کو ختم کریں اور پھر کورونا سے بچاؤ کی دعائیں مانگیئے گا آپ لوگ کچھ بھی منہ میں آتا ہے بول دیتے ہیں آپ لوگ آپ مجھے بتائیں گے کیا کرنا چاہیئے مجھے آپ فیصلہ کریں گے کون نیک ہے کون بد ہے

شوبز شخصیات پر تنقید کرنے کے حوالے سے ان کا کہنا تھا کہ آپ فیصلہ کریں گے کہ شوبز کے لوگ برے ہیں اور باقی سب اچھے ہیں؟ ایسا ہوتا تو مسجدوں میں سے جوتے چوری نہ ہوتے آپ تنقید کرتے ہیں کہ اب رمضان آئے گا تو یہ سر پر دوپٹے لےکر بیٹھ جائیں گی تو بالکل جہاں بھی میرے رب کا نام آئے گا میں اپنے سر کو ڈھانپ لوں گی اللہ پاک نے مجھے توفیق دی ہے اپنی حمد و ثنا کرنے کی اپنی نبی پاک کی نعت خوانی بیان کرنے کی یہ فیصلہ آپ نہیں اللہ کرے گا چاہے جہاں مرضی کروں یو ٹیوب چینل پر یا فیس بک پر کروں کون روکے گا مجھے جب مجھے اللہ نے توفیق دی ہے

انہوں نے کہا آپ بتائیں گے کہ کسے حق ہے اللہ کا نام لینے کا کسے حق نہیں ہے انہوں نے کہا اللہ سے ڈریں انہوں نے کہا مجھ میں اور آپ لوگوں میں یہی فرق ہے کہ وہ ان کی طرح گالیاں نہیں دے رہیں بُر ابھلا نہیں کہہ رہیں اداکارہ نے کہا کہ وہ چاہتی تو تنقید کرنے والوں کو ان کی ہی طرح جواب دیتی

جویریہ سعود نے کہا کہ یہ گھر پیسہ آسائشیں یہ نہی‌ ہوتا سکون سکون وہ ہوتا ہے جو الحمد اللہ انہیں اللہ نے دیا ہوا ہے میرے بچے فرمانبردار ہیں میرا شوہر وفادار ہے میرے والدین مجھ سے راضی ہیں میرے بہن بھائی میرے سے خوش ہیں یہ ہے میرا سکون میں رات کو چین کی نیند سوتی ہوں

اپنے حوالے سے جویریہ کا کہنا تھا کہ مجھے نہیں یاد میں نے اپنی زندگی میں کبھی کوئی روزہ چھوڑا ہو میں نے 16 سے زیادہ اعتکاف کیے ہیں، 25 بار سے زیادہ قرآن پاک ختم کیا ہے ترجمے کے ساتھ کیا جانتے ہیں میرا اور اللہ کا رشتہ مجھے مت بتائیں مجھے کیا کرنا انہوں نے کہا توبہ کریں اللہ سے

اداکرہ نے کہا کہ میں اپنے ساتھ زیادتیاں کرنے والے تمام لوگوں کو رات میں سونے سے قبل معاف کردیتی ہوں اللہ پاک میرے اور میرے آس پاس کے لوگوں پر آنے والی مصیبت کے حوالے سے مجھے پہلے سے آگاہ کردیتا ہے نہ صرف میرے اوپر بلکہ آس پاس کے لوگوں کے اوپر آنے والی مصیبتوں سے آگاہ کر دیتے ہیں

کبھی ندا یاسر کے بچوں کو برا بھلا بولتے ہیں تو کبھی عائزہ خان کے بچوں پر نفرت بھرے کمنٹس کرتے ہیں کہاں سے لاتے ہیں آپ اتنی نفرت؟ کیسے کر لیتے ہیں آپ اتنا ٹائم کیسے نکال لیتے ہیں آپ نفرتوں کے لئے

اپنی ویڈیو کے آخر میں اداکارہ نے امید کی کہ ایسے لوگ اللہ سے معافی مانگے اور آئندہ کسی کی دل آزاری نہ کریں کیونکہ کسی کا دل دکھانا بہت بڑا گناہ ہے سدھر جائیں کون کتنا مسلمان ہے اس کا فیصلہ اللہ کرے گا آپ نہیں انہوں نے کہا کہ شوبز والوں کے پیچھے نہ پڑیں اپنی آخرت کی فکر کریں سب کو اپنی اپنی قبر میں جانا ہے