لاک ڈاؤن میں ایک دوسرے کی مدد کیسے کریں، تحریر نعمان علی ہاشم

ایک دوسرے کی مدد کیسے کریں، تحریر نعمان علی ہاشم
بلدیاتی انتخابات میں ہماری وارڈ میں بیس سے پچیس چہرے ایسے تھے جو عمران خان کے نام پر دن رات ایک کیے ووٹ مانگتے رہے ہیں. آج بھی وارڈ میں خان کے نظریاتی کارکنان کی ایک معقول تعداد موجود ہے.. اگر ہر وارڈ میں ایسے دس افراد انسانیت کے لیے اپنی وارڈ کی زمہ داری لیں تو میں دعوے سے کہہ سکتا ہوں کہ پاکستان میں سو دن کا کرفیو بھی سکون سے گزر جائے اور کوئی فرد بھوکا نہ سوئے گا.
.
ہر شہر کی تمام بڑی ملز اور سٹورز پر موجود سٹاک اگر سرکاری ریٹس پر خرید کر مستحق عوام کے لیے مختص کر دیا جائے تو یقیناً یہ سٹاک اگلے دو ماہ کے لیے کافی ہوگا.
.
ان حالات میں ہر فرد کی زمہ داری ہے کہ ہر مستحق کی مدد کرے. اگر پیسے سے نہیں تو مستحق افراد کی نشاندہی کریں.
.
سٹیزن پورٹل پر اپنی خدمات کو پیش کرنے کے لیے حکومت فارم فل کریں. (نوٹ: رجسٹریشن کل سے شروع ہوگی)
.
اگر حکومت نے لاک ڈاؤن کا کہا ہے تو گھروں میں ٹھہرے رہیں.
.
ڈیم فنڈ، صحت کارڈ فنڈ اور اس جیسے دیگر ریزرو فنڈز میں سے ایک مخصوص مقدار کو مجبور عوام کی خوراک اور صحت کے لیے استعمال کریں.
.
آپ بیماری سے نہیں لڑ سکتے. مگر اپنا دفاع ضرور کر سکتے ہیں. خدارا پاکستان کے لیے سوچیں. پاکستانی بن کر سوچیں.
.
#نعمانیات
نعمان علی ہاشم