30روپے مانگنے پر بیوی کو طلاق
بھارت میں ایک شخص نے سبزی خریدنے والی بیوی کے 30روپے مانگنے پر مارکیٹ میں اسے 3 طلاقیں دے دیں۔
تفصیل کےک مطابق بھارتی ریاست اتر پردیش میں 32 سالہ صابر اپنی 30 سالہ اہلیہ زینب کے ساتھ راؤ جی مارکیٹ میں گھریلو اشیاء کی خریدو فروخت میں مصروف تھا، شاپنگ کے دوران اہلیہ کے سبزی خریدنے کے لیے 30 روپے مانگنے پر صابر غصے میں آ گیا، اس نے پہلے پیچ کس سے اپنی اہلیہ پر حملہ کیا اور پھر ایک ہی ساتھ اسے 3 طلاقیں بھی دے دیں۔
واضح رہے کہ گزشتہ سال بھارت میں ایک ساتھ تین طلاقیں دینے والے شوہر کو تین سال کے لیے جیل کی سزا مقرر کی گئی تھی، بھارتی کابینہ نے آرڈیننس جاری کرتے ہوئے اس بل کی منظوری دی تھی۔