پاکستان شوبز انڈسٹری کی معروف اداکارہ ماہرہ خان کا پاکستان فلم انڈسٹری کے نامور ہدایت کار عاصم رضا کے لیے محبت بھرا پیغام
باغی ٹی وی : پاکستان شوبز انڈسٹری کی معروف اداکارہ ماہرہ خان نے سوشل میڈیا پر پاکستان فلم انڈسٹری کے نامور ہدایت کار عاصم رضا کے لیے محبت بھرا پیغام لکھا اداکارہ نے انسٹاگرام پر معروف ہدایت کار عاصم رضا کے ہمراہ اپنی پہلی فلم بول کے پریمئیر پر لی گئی اپنی ایک تصویر شئیر کی ماہرہ خان نے نے تصویر شیئر کرتے ہوئے کیپشن میں ہدایت کارعاصم رضا کے لیے محبت بھرا پیغام لکھا
https://www.instagram.com/p/B_NZ6mlhroQ/?igshid=1e6cmsde8w1gm
ماہرہ خان نے لکھا کہ میرے عاصم، میں کیسے آپ سے گلے ملنا اور آپ کو تنگ کرنا بھول سکتی ہوں اور میں کیسے آپ کے گھر میں ڈانس کرنا اور گانا گانا بھول سکتی ہوں
اداکارہ نے لکھا کہ میں جانتی ہوں کہ یہ سب آپ اپنے دوسرے بچوں کو نہیں بتانا چاہتے لیکن میرا خیال ہے کہ وقت آگیا ہے آپ کے دونوں بیٹوں ( آپ جانتے ہیں کہ میں کیا بات کر رہی ہوں ) اور بیٹی کو یہ معلوم ہونا چاہیئے کہ میں آپ کی پسندیدہ ہوں اور آپ مجھے سب سے زیادہ پیار کرتے ہیں
اداکارہ نے لکھا کہ میں آپ سے ہمیشہ محبت کرتی رہوں گی آپ کی ماہرو
ماہرہ خان نے مزید لکھا یہ تصویر2011 میں سامنے آئی میری پہلی فلم بول کے پریمیئر کے موقع پر لی گئی تھی
اداکارہ ماہرہ کے اس محبت بھرے پیغام پر عاصم رضا نے کمنٹ کرتے ہوئے لکھا کہ میری پیاری اور عزیز ماہرو میرے بیٹے اور بیٹیاں جانتے ہیں کہ میرے لیے ان میں سے سب سے زیادہ اہم کون ہے اور یہی وجہ ہے کہ انہیں کوئی شک نہیں ہے، میں بھی آپ سے لفظوں سے زیادہ محبت کرتا ہوں
عاصم علی پاکستان کے سابق صدر اور آرمی چیف جنرل پرویز مشرف کے داماد اور عائلہ مشرف کے شوہر ہیں
واضح رہے کہ اس سے پہلے ماہرہ خان نے اپنی دونوں پھپوؤں کے نام بھی ایک جذباتی پیغام سوشل میڈیا پر شئیر کیا تھا علاوہ ازیں ثمینہ پیر زادہ کے ویب شو میں ماہرہ خان نے انکشاف کیا تھا کہ وہ کسی کو پسند کرتی ہیں ان کا تعلق شوبز انڈسٹری سے نہیں ہے لیکن انہیں منظر عام پر نہیں لاناچاہتیں
