چیزیں جلد نارمل ہونگی، امام کعبہ نے خوشخبری سنا دی
باغی ٹی وی کی رپورٹ کے مطابق امام کعبہ شیخ عبدالرحمن السدیس نے کہا ہے کہ حرمین شریفین کو جلد عمرہ ادا کرنے والوں اور نماز ادا کرنے والوں کے لیے کھول دیا جائے گا۔
امام کعبہ شیخ عبدالرحمن السدیس کا کہنا تھا کہ مسلمانوں کے لئے اچھی خبر ہے تمام چیزیں نارمل ہو رہی ہیں اور جلد مسجد حرم اور مسجد نبوی کو عام شہریوں کے لئے کھول دیا جائے گا
https://twitter.com/Dr_Saudais/status/1255324576248193025
امام کعبہ کی ایک ویڈیو بھی شوشل میڈیا پر وائرل ہو چکی ہے جس میں وہ کہتے ہیں کہ عوام عنقریب حرم شریف میں عبادات بجا لا سکیں گے۔ حرم پاک اور مسجد نبویﷺ کو عمرہ ادا کرنے والوں اور نماز ادا کرنے والوں کے لیے عنقریب کھول دیا جائے گا۔
سعودی عرب کی وزارت حج و عمرہ نے کہا ہے کہ مسجد الحرام اور مسجد نبوی کو 8 رمضان کو کھول دیا جائے گا عام شہری بھی حرم مکی میں عبادت کر سکیں گے
سعودی وزارت صحت کے مطابق اس حوالہ سے شہریوں کو کرونا سے بچاؤ کے لئے احتیاطی تدابیر پر عمل کرنا ہوگا،نماز کی ادائیگی کے لئے جائے نماز گھر سے لانا ہو گی، کسی کو بغیر چٹائی کے داخلے کی اجازت نہیں ہو گی ،مسجد میں قرآن مجید کی تلاوت کے لئے گھروں سے قرآن لے کر آئیں ،مسجد میں رکھے گئے قرآن مجید کو نہیں لے سکتے
کرونا سے بچاؤ کے لئے ضروری ہے کہ سماجی دوری اختیار کریں، اس دوران مسجد سے ملحقہ واش روم بند رہیں گے، سب وضو گھروں سے کر کے آئیں گے، کسی کو بھی ماسک کے بغیر داخلے کی اجازت نہیں ہو گی، مسجد کے داخلی راستے پر سینیٹائزر کی سہولت موجود ہو گی اسے استعمال کریں
قبل ازیں سعودی عرب کے ادارہ امور حرمین شریفین کے نگران اعلی شیخ ڈاکٹر عبدالرحمان السدیس نے حرم مکی میں کمپیوٹرائزڈ تھرمل کیمروں کا افتتاح کر دیا ہے۔ افتتاح کے بعد شیخ السدیس نے حاضرین سے مختصر خطاب کرتے ہوئے کہا کہ حرم مکی میں کام کرنے والے تمام افراد کے لیے لازم ہے کہ وہ حرم میں داخل ہونے سے قبل تھرمل کیمروں کی سکرننگ سے گزریں. اگر کسی کا درجہ حرارت بڑھا ہوا ہے تو اسے حرم مکی آنے کی اجازت نہیں ہوگی بلکہ وہ مزید چیک اپ کےلیے متعلقہ ادار ے سے رجوع کرے
