بھارتی معروف اداکارعرفان خان نے اپنی نئی آنے والی فلم انگریزی میڈیم کا ٹریلرسوشل میڈیا پر شیئر کرتے ہوئے اپنا ایک آڈیو پیغام مداحوں کے لئے جاری کیا تھا
باغی ٹی وی : بھارتی معروف اداکارعرفان خان نے اپنی نئی آنے والی فلم انگریزی میڈیم کا ٹریلرسوشل میڈیا پر شیئر کرتے ہوئے اپنا ایک آڈیو پیغام مداحوں کے لئے جاری کیا تھا جس میں انہوں نے کہا تھا کہ میں اس دنیا میں آپ کے ساتھ ہوں بھی اور نہیں بھی لیکن فلم انگریزی میڈیم میرے لیے بہت خاص ہے اور یقین مانیں میری دلی خواہش تھی کہ میں اس کی تشہیر اسی محبت سےکروں گا جس پیار و محبت سے ہم نے اس کو بنایا ہے
آڈیو پیغام میں عرفان خان نے اپنے مرض کے حوالے سے کہا تھا کہ اس وقت میرے جسم میں ایک مرض نشونما پارہا ہے کچھ بن بلائے مہمان بیٹھے ہیں ان سے لڑائی جا ری ہے دیکھتے ہیں اب کس کروٹ اونٹ بیٹھتا ہے جو بھی ہو گا آپ کو اطلاع کر دی جائے گی لیکن میں پھر بھی اپنی فلم کی تشہیر کروں گا
بھارتی اداکار نے کہا تھا کہ ہم نے اس فلم کو پوزیٹیویٹی کے ساتھ بنایا ہے اورمجھے امید ہے کہ یہ فلم آپ کو سکھائے گی ہنسائے گی رلائے گی اور پھر سے ہنسائے گی شاید
انہوں نے کہا تھا کہ آپ اس کے ٹریلر سے ہی لطف اندوز ہوجائیں گے اور ایک دوسرے کے ساتھ مہربان رہیں
واضح رہے کہ گذشتہ ماہ 28 اپریل کو بھارتی اداکارعرفان خان کو ممبئی کے ایک ہسپتال میں اس وقت داخل کروایا گیا جب ان کی طبیعت اچانک خراب ہوگئی رپورٹ میں بتایا گیا کہ اداکار کو بڑی آنت کا انفیکشن ہوا تھا جس کے علاج کے لیے وہ ہسپتال میں داخل ہوئے
یاد رہے کہ عرفان خان نے 2018 میں بتایا تھا کہ وہ نیورواینڈوکرائن ٹیومر میں مبتلا ہوگئے ہیں بعد ازاں وہ علاج کی غرض سے بیرون ملک چلے گئے تھ ۔ اپنی بیماری کے باعث عرفان خان فلم ’’انگریزی میڈیم‘‘ کی تشہیر کا حصہ بھی نہیں بن سکے تھے یہ عرفان خان کی آخری فلم تھی
عرفان خان کو فلم ’’پان سنگھ تو مر‘‘ میں شاندار اداکاری کرنے پر نیشنل ایوارڈ سے نوازا گیا تھا عرفان خان کئی ہالی ووڈ پراجیکٹ کا بھی حصہ رہ چکے ہیں جن میں سلم ڈاگ ملینئر، جراسک ورلڈ، دی امیزنگ اسپائیڈر اور لائف آف پائی شامل ہیں
بالی وڈ اداکار عرفان خان آئی سی یو میں زیر علاج،کرونا وائرس یا کوئی اوروجہ اہم خبرآگئی
