کرونا کے بڑھتے کیسز، بلوچستان حکومت نے کس سے مانگی مدد؟
باغی ٹی وی کی رپورٹ کے مطابق ترجمان بلوچستان حکومت لیاقت شاہوانی نے کہا ہے کہ بلوچستان میں دو ہفتے سے کورونا کی مقامی طور پر منتقلی کے واقعات تیزی سے بڑھ رہے ہیں،
لیاقت شاہوانی کا کہنا تھا کہ گزشتہ دنوں میں بلوچستان میں لوکل ٹرانسمیٹڈ کیسز کا تناسب 88فیصد ہے،بلوچستان میں ریکوری کی شرح پندرہ فیصد ہے،بلوچستان میں لاک ڈاون مزید دوہفتے رہے گا،اگلے دو ہفتے تک بلوچستان میں سخت لاک ڈاؤن کی کیفیت برقرار رہے گی،
لیاقت شاہوانی کا مزید کہنا تھا کہ لاک ڈاوَن پر عملدرآمد یقینی بنائیں گے،خلا ف ورزی پر کارروائی ہو گی،بلوچستان میں 2پی سی آر مشینوں سے ٹیسٹنگ کی جا رہی تھی ،ہمارے پاس وینٹی لیٹرز کم ہیں این ڈی ایم کو مزید وینٹی لیٹرز فراہم کرنے کی درخواست کی،
لیاقت شاہوانی کا مزید کہنا تھا کہ بیت السلام ٹرسٹ کے اشتراک سے مستحق افراد میں مفت روٹی کی تقسیم کا سلسلہ بھی جاری ہے،کورونا وائرس کی روک تھام کیلئے عالمی گائیڈ لائنز پر عملدرآمد کیا جارہا ہے،عوام سے درخواست ہے کورونا کی روک تھام کے لئے حکومت سے تعاون کریں
بلوچستان میں اب تک 1321 افراد میں کوروناکی تصدیق ہوئی،9312 کے ٹیسٹ منفی آئے،بلوچستان میں 2089افراد کے کورونا کے ٹیسٹ کی رپورٹ آنا باقی ہے ،بلوچستان میں کورونا سے متاثرہونے والوں میں دوسرے نمبر پر15سے29سال کےنوجوان ہیں،
صوبائی محکمہ صحت کے مطابق بلوچستان میں اب تک کوروناسے متاثرہ 197افراد صحتیاب ہوچکےہیں،بلوچستان میں اب تک 30 سے 44 سال کی عمر کےافراد سب سے زیادہ متاثر ہوئے،
قبل ازیں بلوچستان حکومت نے کرونا وائرس پر قابو پانے کے لیے لاک ڈاؤن میں مزید 19 مئی تک توسیع کر دی ہے،محکمہ داخلہ بلوچستان کی جانب سے جاری نوٹیفیکیشن کے مطابق کوئٹہ سمیت بلوچستان بھر میں مزید دو ہفتوں کےلیے لاک ڈاؤن نافذ رکھنے کا فیصلہ کیا گیا ہے جو کہ اب 19 مئی تک برقرار رہے گا۔
دہلی میں سی آر پی ایف میں کرونا پھیلنے لگا، ایک ہلاک، 47 مریض
سبزی و فروٹ منڈی میں بھی کرونا پھیل گیا، 12 تاجروں میں تشخیص
کرونا وائرس سے خاتون سکول ٹیچر کی ہوئی موت
بلوچستان حکومت نے لاک ڈاؤن میں توسیع کا فیصلہ کرونا کے خطرات کے پیش نظر کیا گیا ہے۔ اس سے قبل حکومت نے 5 مئی تک صوبے میں لاک ڈاؤن نافذ کرنے کا فیصلہ کیا تھا۔
