اوروں کو نصیحت ، خود میاں فضیحت : بلاول پنجاب کیلئے فکرمندہونے کی بجائے سندھ پر توجہ مرکوز کریں:ترجمان پنجاب حکومت

لاہور:بلاول پنجاب کیلئے فکرمندہونے کی بجائے سندھ پر توجہ مرکوز کریں،سندھ کی عوام کا کوئی پرسان حال نہیں ، اوروں کو نصیحت خود میاں فضیحت کا کردار ادا نہ کریں‌ ،ان خیالات کا اظہار پنجاب حکومت کے ترجمان مسرت جمشید چیمہ نے بلاول بھٹو کی پنجاب حکومت پرتنقید کے بعد دیا

بلاول بھٹو پرجوابی وار کرتے ہوئے مسرت جمشید چیمہ نے کہا کہ بلاول پنجاب کیلئے فکرمندہونے کی بجائے سندھ پر توجہ مرکوز کریں ، اطلاعات کے مطابق مسرت جمشید چیمہ کا کہنا ہے کہ پی پی اور(ن) لیگ والے منفی پراپیگنڈے سے طبی عملے کو متنفرنہیں کر سکتے

ترجمان پنجاب حکومت نے کہا کہ وفاق تمام صوبوں کو بلا تفریق مساوی امداد اور سامان فراہم کر رہا ہے،مسرت جمشید چیمہ نے کہا کہ مالی امداد میں کرپشن کا موقع نہ ملنے پر (ن) ،پی پی والے بے چین ہیں ،(ن) لیگ چوری کھانے والی جماعت ،کاغذی شیر کہیںنظر نہیں آئے ، ترجمان پنجاب حکومت کا کہنا ہے کہ اتحاد کے موقع پر نفاق ڈالنے والوںکے چہرے بے نقاب ہو گئے