بلاول نے سانحہ 12 مئی پر دیا بڑا پیغام

بلاول نے سانحہ 12 مئی پر دیا بڑا پیغام

باغی ٹی وی :پی پی پی چیئرمین بلاول بھٹو زرداری نے سانحہ 12 مئی پر پیغام دیتے ہوئےعدلیہ کی آزادی اور آئین و قانون کی بالادستی کے لیئے جانیں قربان کرنے والے وکلاء و کارکنان کو خراج عقیدت کیا ہے .

بلاول بھٹو زرداری نے کہا کہ سانحہ 12 مئی کے شہداء کو سلام پیش کرتا ہوں: یہ سانحہ ایک آمر کی جانب سے اقتدار سے چمٹے رہنے کی خاطر درندگی کا مظاہرہ تھا،ملکی تاریخ کا اس سیاہ ترین دن پر شہید کیئے گئے افراد میں اکثریت پیپلز پارٹی کے جیالوں کی تھی:
سانحہ 12 مئی کے شہداء کے ورثاء کو تاحال عدلیہ سے انصاف نہ ملنا باعثِ تشویش ہے:شہداء کے خون سے انصاف میں مزید کتنی دہائیاں لگائی جائیں گی.
بلاول بھٹو زرداری کا کہنا تھا کہ یہ مقدمہ بدترین سست روی کا شکار ہے، کیا انصاف میں تاخیر انصاف سے انکار کے مترادف نہیں ہے:
شہیدوں کی قربانیاں رائیگان نہیں جائیں گی، آزاد عدلیہ اور عوام کو بلاامتیاز انصاف کا خواب شرمندہ تعبیر ہوگا: پیپلز پارٹی سانحہ 12 مئی کے شہداء کے لواحقین کے ساتھ کھڑی ہے اور رہے گی: بلاول بھٹو زرداری