رانا ثناء اللہ کے خلاف دوران کاروائی اور ہیروئن برآمدگی کی ویڈیو جاری کریں

سینئر رہنما پاکستان مسلم لیگ ن وسابق رکن قومی اسمبلی حلقہ این اے 91 ڈاکٹر ذوالفقار علی بھٹی نے باغی ٹی وی سے بات کرتے ہوئے کہا کہ کہ صدر پاکستان مسلم لیگ ن پنجاب اوررکن قومی اسمبلی رانا ثنا اللہ کی گرفتاری قابل مذمت ہے‘عمران خان نے سابقہ ڈکٹیٹر مشرف کاطرز حکومت اپنا لیاہے۔بالکل اسی طرح سیاسی مخالفین کوچن چن کر بند کیاجارہا ہے،میڈیا کا گلا دبایاجا چکا،ایماندار اور نڈر ججوں کے خلاف ریفرنس دائرکیے جا رہےہیں ۔اقتدار کی کرسی ہے ہی ایسی جب تک بندہ اس پر بیٹھا ہوتاہے اپنی اوقات بھول جاتاہے عمران خان کا قصور نہیں‘رانا ثناء اللہ پر منشیات کا بھونڈا اور جھوٹا مقدمہ درج کیا گیا ہے بارہا ٹی وی چینلز پر اپنی گرفتاری کا اظہار کرنے والا بندہ کیسے اپنی گاڑی میں اتنی بھاری مقدر میں منشیات رکھ سکتا ہے‘خان صاحب ایسی منفی اور بوسیدہ سیاست سے پاکستانی عوام میں اضطراب اور بے چینی میں اضافہ ہورہا ہے اپنی ناکامیوں کا غصہ پاکستان کی عوام پر مت نکالیں‘حکومت کرنا آپ کے بس کا کام نہیں ہے آپ صرف کنیٹینر کی سیاست کر سکتے ہیں‘اپوزیشن جماعتوں کے رہنماؤں کی گرفتاری صرف اور صرف بدترین غریب دشمن‘ نظام دشمن بجٹ سے نظر ہٹانے کے لئے مذموم حرکت کی گٗئی ہے‘رانا ثناء اللہ کو جب گرفتار کیا گیا اور ان کی گاڑی سے اعلی معیار کی جو منشیات ملی ہے اس کی کوئی وڈیو تو بنائی گئی ہو گی پاکستان مسلم لیگ ن اس ساری کاروائی کی وڈیو ثبوت مانگتے ہیں۔