لارڈز کے تاریخی گراؤنڈ میں کھیلے گئے ورلڈ کپ کے اہم میچ میں انگلینڈ کے ہاتھوں نیوزی لینڈ کی شکست کے بعد پاکستان کا سیمی فائنل میں پہنچنا تقریبا ناممکن ہو گیا ہے تاہم پاکستانی شائقین اب بھی کسی معجزہ کے منتظر ہیں.
باغی ٹی وی کی رپورٹ کے مطابق آج کے میچ میں انگلینڈ نے پہلے کھیلتے ہوئے شاندار بیٹنگ کی اور نیوزی لینڈ کو 306 رنز کا ٹارگٹ دیا جبکہ نیوزی لینڈ کی بیٹنگ لائن جلدی ڈھیر ہو گئی اور وہ 119 سکور سے شکست کھا گیا. یوںانگلینڈ نے ورلڈ کپ سیمی فائنل کیلئے آسانی سے کوالیفائی کر لیا. نیوزی لینڈ انگلینڈ سے شکست کھا کر بھی 11 پوائنٹس سے چوتھے نمبر پر ہے جبکہ پاکستانی ٹیم نے بنگلہ دیش کے خلاف ابھی اپنا آخری میچ کھیلنا ہے.
لارڈز میں کھیلے گئے آج کے میچ میں اگر انگلینڈ ہار جاتا تو پاکستان بنگلہ دیش کو شکست دیکر سیمی فائنل میں پہنچ سکتا تھا مگر انگلینڈ نے یہ میچ جیت کر پاکستان کیلئے سیمی فائنل میں پہنچنا تقریبا ناممکن بنا دیا ہے.
اس وقت صورتحال یہ ہے کہ اگر پاکستان سیمی فائنل میں جانا چاہتا ہے تو اسے بنگلہ دیش کو316 رنز کے مارجن سے ہرانا ہو گا.