چارسدہ:پاکستان تحریک انصاف کے نوجوان رہنما اور عمران خان کے قریبی ساتھی وفاقی وزیر مواصلات نے ایک بار پھر پیپلز پارٹی کے چیئر مین بلاول بھٹو پر جوابی وار کرکے سیاسی درجہ حرارت میں اضافہ کردیا ہے. مراد سعید نے بلاول بھٹو کو حادثاتی چیئرمین قرار دیا ہے. مراد سعید نے کہا کہ حادثاتی چیئرمین کی جماعت نے 6 مرتبہ آئی ایم ایف کی دہلیز پر سجدہ کیا.چارسدہ کا یہ جلسہ بھی حادثاتی چیئرمین کے لیے سیاسی شرمندگی کا سامان کرگیا .
مراد سعید نے تنقید کا نشانہ بناتےہوئے کہا کہ حادثاتی چیئرمین جان بوجھ کر چھپا گیا کہ حکومت 162 ارب ضم شدہ اضلاع پر خرچ کرے گی .انہوں نے کہا کہ یہ بھی خوش فہمی تھی پرچی والا چیئرمین قبائلی عوام سے سچ بولے گا.مجھے تو خوش فہمی رہی کہ حادثاتی چیئرمین قبائلیوں پر ڈرون حملوں پر ندامت کا اظہار کریگا تھا پرچی والا چیئرمین آج قوم سے والد کے سیاہ کارناموں پر معافی مانگے گا