فیصلہ ہوگیا ، احتیاط سب پر لازم ہے، لاک ڈاون رہے گا جاری

لاہور:فیصلہ ہوگیا ، احتیاط سب پر لازم ہے، لاک ڈاون رہے گا جاری ،اطلاعات کے مطابق پنجاب میں لاک ڈاون میں توسیع کردی گئی ہے اوریہ فیصلہ وفاقی حکومت اور صوبائی کابینہ کی سفارشات کی روشنی میں کیا گیا ہے، محکمہ پرائمری اینڈ سیکنڈری ہیلتھ کی طرف سے لاک ڈاؤن کا نوٹیفکیشن جاری کردیا گیا ہے

اس نوٍٹیفکیشن کے مطابق تعلیمی ادارے، شادی ہال، ریسٹورنٹ، پارک اور سینما ہال بند رہیں گے۔نوٹیفیکیشن میں کہا گیا ہے کہ سماجی و مذہبی اجتماعات، کھیل کی سرگرمیوں کے لیے اکٹھ کی اجازت نہیں ہو گی۔

ذرائع کے مطابق تمام کاروباری مقامات صبح 9 سے شام 5 بجے تک، سوموار تا جمعہ کھلے رہیں گے، میڈیکل سٹور، پنکچر شاپ، آٹا چکی تندور، زرعی ورکشاپس 24 گھنٹے کھلی رکھنے کی اجازت ہو گی۔ کال سنٹرز کو 50 فی صد سٹاف کے ساتھ کھلا رکھنے کی اجازت ہو گی۔

اس نوٹیفیکیشن میں کہا گیا ہےکہ بین الاضلاع ٹرانسپورٹ 24 گھنٹے چلنے کی اجازت ہو گی۔ گروسری اور کریانہ سٹور صبح 9 سے شام 7 تک، ہفتہ بھر کھلے رہیں گے۔ تمام چرچ صرف اتوار کو صبح 7 سے شام 5 بجے تک عبادت کے لیےکھلے رہیں گے۔ نئے اعلامیہ کے مطابق یہ نوٹیفکیشن 15جون تک نافذ العمل رہے گا۔