معروف ٹی وی میزبان شفاعت علی بھی کورونا وائرس کا شکار ہو گئے

پاکستان کے معروف ٹی وی ہوسٹ شفاعت علی بھی کورونا وائرس کا شکار ہو گئے-

چین کے شہر ووہان سے پھیلے کورونا وائرس نے دنیا بھر میں تہلکہ مچانے کے بعد پاکستان کو بھی اپنی لپیٹ میں لے رکھا دن بہ دن اس وبائی مرض کے کیسز میں اضافہ ہو رہا ہے جس کے باعث ملک بھر میں خو ف و ہراس کی فضا قائم ہے ہر کوئی اس وبا کے خوف سے سہما ہوا ہے-

باغی ٹی وی : پاکستان کے معروف ٹی وی ہوسٹ شفاعت علی بھی کورونا وائرس کا شکار ہو گئے جس کا اعلان انہوں نے سوشل میڈیا پر کیا- سماجی رابطے کی ویب سائٹ ٹویٹر پر اپنے ایک ٹویٹ میں شفاعت علی نے مزاحیہ انداز اپناتے ہوئے لکھا کہ زندگی میں کچھ مثبت کرنے کی ضرورت تھی جب کورونا نے کہا ہو کوئی ساڈے لائق!

Needed some positivity in life when Corona said, 'hor koi saday laiq!'

Tested POSITIVE, having mild symptoms. Need your love 💘 💕 #coronavirusinpakistan

— Shafaat Ali (@iamshafaatali) June 6, 2020

شفاعت علی نے لکھا کہ کورونا کی علامات ظاہر ہونے کے بعد ٹیسٹ کروایا جو کہ مثبت آیا ہے آپ سب کے پیار کی ضرورت ہے-

Allah say aap ki sehat aur tandarusti ki dua

— Iqrar ul Hassan Syed (@iqrarulhassan) June 7, 2020

شفاعت علی کی اس پوسٹ پر ردعمل دیتے ہوئے معروف صحافی اقرارالحسن نے دعاؤں اور نیک خواہشتا کا اظہار کرتے ہوئے لکھا کہ اللہ سے آپ کی صحت اور تندرستی کے لئے دعا گو ہوں-

چار دن کے لئے آواز بدل کر عمران خان بن جائیں۔ علامات ادھر چلی جائیں گی

— Waqass وقاص (@AWGoraya) June 6, 2020

احمد وقاص گورائیہ نے مشورہ دیتے ہوئے لکھا کہ چار دن کے لئے آواز بدل کر عمران خان بن جائیں۔ علامات ادھر چلی جائیں گی-

واضح رہے کہ شیخ رشید اور شاہد خاقان عباسی کا کرونا ٹیسٹ مثبت آیا ہے اطلاعات کے مطابق وزیر ریلوے شیخ رشید احمد کا کرونا ٹیسٹ مثبت آیاہے۔انہیں بظاہر کرونا کی کوئی علامات نہیں ہیں۔شیخ رشید احمد آئسولیشن میں چلے گئے ہیں۔ وہ ڈاکٹرز کی ہدایت کے مطابق 2 ہفتے سیلف قرنطینہ میں رہیں گے۔اسی طرح سابق وزیر اعظم شاہد خاقان عباسی کا کورونا ٹیسٹ مثبت آیا ہے اور انہوں نے آئیسولیٹ کرلیا ہے۔

خیال رہے پاکستان میں کورونا کے متاثرین تیزی سے بڑھنے لگے، ملک بھر میں کورونا کے تصدیق شدہ کیسز کی تعداد ایک لاکھ 3 ہزار 671 تک پہنچ گئی جبکہ ایک دن میں 65 افراد جاں بحق ہوگئے جس کے بعد اموات کی تعداد 2 ہزار 67 ہوگئی۔

شیخ رشید اور شاہد خاقان عباسی کا کرونا ٹیسٹ مثبت آگیا