خود بھی بچیں دوسروں کو بھی بچائیں ،کرونا کسی کونہیں چھوڑتا،ایمرا نے رپورٹرزسے ہمدردانہ اپیل کردی

لاہور:خود بھی بچیں دوسروں کو بھی بچائیں ،کرونا کسی کونہیں چھوڑتا،ایمرا نے رپورٹرزسے ہمدردانہ اپیل کردی ،اطلاعات کے مطابق الیکٹرانک میڈیا رپورٹرز ایسوسی ایشن (ایمرا)کے صدرمحمدآصف بٹ اور ایمراسیکرٹری سلیم شیخ و ایمرا باڈی کی جانب سے میڈیا مالکان اور بیٹ رپورٹرز سے ہمدردانہ اپیل ہے کہ صحافتی ورکرز کورونا وائرس جیسی سنگین صورتحال سے بچاو کےلئے حفاظتی اقدامات اختیار کریں۔

باغی ٹی وی کےمطابق ایمرا صدر محمد آصف بٹ کاکہنا ہے کہ خصوصی طور پر ایسے بیٹ رپورٹرز حضرات سے اپیل ہے کو جن کی بیٹس سے متعلقہ محکموں اور اداروں میں کوروناوائرس سے متاثرہ افراد کے کیسز سامنے آچکے ہیں وہ ان محکموں سے متعلقہ امور پر بذریعہ واٹس ایپ یا فون کال پررپورٹنگ کریں اور بذات خود ایسے متاثرہ اداروں اور محکموں میں جانے سے 14 روز کے لئے مکمل طورپرہیز کریں تاکہ وہ یہ احتیاطی تدابیر اختیار کرتے ہوئے اپنی اور اپنے اہل خانہ کی صحت اور زندگی کا خیال رکھ سکیں۔

ایمرا صدر محمد آصف بٹ نے اس موقع پرکہا کہ کیونکہ کورونا وائرس سے بچاو صرف اور صرف احتیاطی تدابیر اختیار کرکے ہی کیا جاسکتا ہے۔ اور ان محکموں میں جانے سے پرہیز کریں۔ جہاں جہاں پر کورونا وائرس کے مریضوں کی تعداد میں اضافہ ہورہا ہے خاص طور پر پبلک ڈیلنگ والے محکموں میں جانے سےمکمل  پرہیزاور احتیاطی تدابیر اختیارکی جائیں۔

ان کا کہنا تھا کہ صحافتی اداروں کے مالکان کو بھی چاہئے کہ وہ ان محکموں کے بیٹ رپورٹرز کو ریلیف دیں۔تاکہ وہ خود اور اپنی فیملیز کو کورونا وائرس جیسی سنگین صورتحال پر  محفوظ  بناسکیں۔ تمام بیٹ رپورٹرز حضرات دوران کوریج کورونا وائرس سے بچاؤ متعلق ایس او پیز پر مکمل طور پر عمل کریں۔ تاکہ وہ خود بھی محفوظ رہ سکیں۔

الیکٹرانک میڈیا رپورٹرز ایسوسی ایشن (ایمرا)کے صدرمحمدآصف بٹ اور ایمراسیکرٹری سلیم شیخ و ایمرا باڈی کی جانب سے میڈیا مالکان اور بیٹ رپورٹرز سے ہمدردانہ اپیل کرتے ہوئے کہا کہ لاہور ، اسلام آباد، راولپنڈی اور کراچی جیسے  بڑے شہروں میں کورونا وائرس سے متاثرہ افراد کی تعداد میں مسلسل اضافہ ہورہا ہے۔

ان کا کہنا تھا کہ ان شہروں میں ہمارے جو صحافی بھائی اپنی صحافتی ذمہ داری ادا کررہے ہیں۔ان کو کورونا وائرس سے متاثرہ افراد کے محمکوں میں جانے کی بجائے ان سے متعلقہ خبریں اور رپورٹس بذریعہ واٹس ایپ یا فون کال رپورٹنگ پر حاصل کریں۔ امید کرتاہوں میڈیا مالکان ہمارے صحافی بھائیوں اور ان کے اہل خانہ کی قیمتی زندگیوں کو مذنظر رکھتے ہوئے ہماری اس اپیل پر عملدرآمد کریں گے۔

الیکٹرانک میڈیا رپورٹرز ایسوسی ایشن (ایمرا)کے صدرمحمدآصف بٹ اور ایمراسیکرٹری سلیم شیخ و ایمرا باڈی کی جانب سے میڈیا مالکان اور بیٹ رپورٹرز سے ہمدردانہ اپیل نے پھردرخواست کرتے ہوئے کہا کہ

محدود رہیں۔۔۔۔محفوظ رہیں