ائیر چیف مارشل کا عظیم جنگی ہیرو گروپ کیپٹن (ر) سیف الاعظم کے انتقال پر گہرے دکھ کا اظہار

ائیر چیف مارشل کا عظیم جنگی ہیرو گروپ کیپٹن (ر) سیف الاعظم کے انتقال پر گہرے دکھ کا اظہار

باغی ٹی وی کی رپورٹ کے مطابق 1965 کی پاک بھارت جنگ میں شاندار کارنامے دکھا نے والے پاک فضائیہ کے مایہ ناز ہوا بازگروپ کیپٹن (ریٹائرڈ) سیف الاعظم طویل علالت کے بعد بنگلہ دیش میں انتقال کر گئے۔

پاک فضائیہ کے سربراہ، ائیر چیف مارشل مجاہد انور خان نے عظیم جنگی ہیرو کی وفات پر گہرے رنج و غم کا اظہار کیا ہے۔ائیر چیف نے انہیں خراجِ عقیدت پیش کرتے ہوئے1965کی پاک بھارت جنگ اور 1967کی عرب اسرائیل جنگ میں انکے جرأت مندانہ کارناموں کو سراہا۔ ائیر چیف نے مزید کہا کہ وہ ایک غیر معمولی فائٹر پائلٹ تھے اور اپنی پیشہ ورانہ مہارت اور بہادری کے لیے ہمیشہ یاد رہیں گے۔

گروپ کیپٹن ( ریٹائرڈ) سیف الاعظم 1941ء میں مشرقی بنگال کے ضلع پبنا میں پیدا ہوئے۔ انہوں نے نے اکتوبر 1960ء میں بطور فائٹر پائلٹ پاک فضائیہ میں کمیشن حاصل کیا۔

https://twitter.com/su7imat/status/1272260786707206144

1965 ء کی پاک بھارت جنگ کے دوران سیف الاعظم پی اے ایف بیس سرگودھا میں موجود نمبر 17 اسکواڈرن میں تعینات تھے۔ بھارتی افواج پر بارہ حملوں میں بھاری نقصان پہنچانے کے علاوہ انہیں ایک بھارتی جنگی طیارہ مارگرانے کا اعزاز بھی حاصل ہے۔ اس جنگ میں انکی فرض شناسی اور بے مثال جرات کے اعتراف میں انہیں ”ستارہ جرات” سے نوازا گیا۔

ائیر چیف مارشل کا عظیم جنگی ہیرو گروپ کیپٹن (ر) سیف الاعظم کے انتقال پر گہرے دکھ کا اظہار
ائیر چیف نے1965 کی پاک بھارت جنگ میں انکے قابل فخر کارناموں پر خراج عقیدت پیش کیا
1965کی پاک بھارت جنگ میں سیف الاعظم کو بھارتی جنگی طیارہ مارگرانے پر ''ستارہ جرات'' سے نوازا گیا pic.twitter.com/HQ99sl8HnA

— PTV News (@PTVNewsOfficial) June 15, 2020

گروپ کیپٹن (ریٹائرڈ) سیف الاعظم کواس وقت بین الاقوامی شہرت حاصل ہوئی جب انہوں نے 1967 کی عرب اسرائیل جنگ میں تین اسرائیلی طیاروں کو تباہ کیا۔اس جنگ میں ان کی غیر معمولی بہادری کے اعتراف میں انہیں اردن اور عراق کی حکومتوں نے فوجی اعزازات سے نوازا ۔ 2001 ء میں امریکی حکومت نے انہیں دنیا کے بہترین ہوابازوں کی فہرست میں شامل کرتے ہوئے ”Living Eagle” کا ٹائٹل بھی عطا کیا۔