کراچی:کراچی کے مشہور علاقے ڈیفنس فیز 2 میں حکومت سندھ کی جانب سے شراب خانہ کھولنے کے خلاف علاقے میں سخت احتجاج ،لوگ سڑکوں پر نکل آئے ،اطلاعات کے مطابق ڈیفنس فیز 2 میں ببانگ دہل ایک شراب خانہ چلایا جارہا ہے جس کی وجہ سے اس کے علاقے میں بہت منفی اثرات مرتب ہورہے ہیں. ڈیفنس فیز 2 کے شہری کافی دنوں سے اسے ختم کرنے کا مطالبہ کررہے تھے لیکن عوام الناس کی انتظامیہ نے ایک نہ سنی
حکومتی بے حسی کے خلاف یہ ردعمل بہت شدت اختیار کرگیا جس پر اس علاقے کے ایم این اے کو بھی اس شراب خانے کو بند کرنے کے لیے عوام کے ساتھ میدان میں آنا پڑا .اطلاعات کے مطابق اس مظاہرے کی قیادت کرنے والے ایم این اے پی ٹی آئی کے رکن قومی اسمبلی آفتاب صدیقی تھے اس کے علاوہ تحریک انصاف کے مقامی کونسلروں نے بھی اس مظاہرے میں شرکت کی اور حکومت تک سخت عوامی ردعمل پہنچایا اور مطالبہ کیا کہ جتنی جلد ہو سکے اس شراب خانے کو بند کیا جا ئے
