کہ یہی تو زندگی ہے بقلم : جویریہ بتول

دُعا…!!!
(بقلم:جویریہ بتول)۔
مِری زندگی کے رنگ سے…
مرے رشتوں کے دل میں…
اک قرار جگہ پائے…
لب اُن کا مسکرائے…
یہ چشم بھی جگمگائے…
کہیں سفرِ زندگی میں…
میری وجہ سے کسی پر…
کوئی آثارِ رنج نہ آئے…
کوئی دل دُکھ نہ پائے…
نہ چشم آنسو بہائے…
مُجھ سے جڑا ہر وقار…
کہیں نہ خم کھائے…
کہیں بھول کوئی پاؤں…
کوئی غلطی کر بھی جاؤں…
لہجے میں عاجزی سے…
معذرت کو اپناؤں…
خوشبو کے سمندر میں…
یادوں کے یہ جھونکے…
اُڑتے ہوئے آئیں…
دلوں میں اُتر جائیں…
کہیں کسی دل پر…
کوئی زخم نہ چِلّائے…!!!
یہی دُعا ہے مری یا رب…
اسی کلیہ سے گزرے…
یہ زندگانی کا سفر…
بڑھتے ہوئے موت تک…
کہ نہیں ہےجس سے مفر…
یہی مقصدِ بندگی ہے…
میں رہوں وجۂ ہنسی…
کہ یہی تو زندگی ہے…!!!
=============================