شاہین آفریدی نے بڑے بڑوں کو پیچھے چھوڑ دیا.بنگلہ دیش کے خلاف میچ میں شاندار باﺅلنگ کا مظاہرہ کرتے ہوئے 6 بلے بازوں کو پوویلین کی راہ دکھائی
تفصیلات کے مطابق فاسٹ باﺅلر شاہین شاہ آفریدی نے وہ ملکی ریکارڈ بنا ڈالا جو وسیم اکرم کے پاس بھی نہیں ہے۔ 19 سالہ شاہین آفریدی نے بنگلہ دیش کے خلاف میچ میں شاندار باﺅلنگ کا مظاہرہ کرتے ہوئے 6 بلے بازوں کو پوویلین کی راہ دکھائی، وہ اب تک اپنے ون ڈے کیریئر میں 19 میچز میں 21.17 کی اوسط سے 40 وکٹیں حاصل کرچکے ہیں جن میں 4 مرتبہ میچ میں 4 وکٹیں اور ایک مرتبہ 5 یا اس سے زیادہ شکار کرنا شامل ہیں۔
شاہین آفریدی اپنے پہلے 19 ون ڈے میچز میں سب سے زیادہ وکٹیں لینے والے پاکستانی باﺅلر بھی بن گئے ہیں، ان سے قبل یہ ریکارڈ فاسٹ باﺅلر حسن علی کے پاس تھا جنہوں نے 19 میچز میں 36 وکٹیں اپنے نام کر رکھی تھیں، گگلی ماسٹر عبدالقادر اور ریورس سوئنگ کے موجد سرفراز نواز نے اپنے پہلے 19،19 ون ڈے میچز میں 34،34 وکٹیں لیں تھیں۔
بھارتی کرکٹ ٹیم کے سابق کپتان اور ٹیسٹ پلیئر راہول ڈریوڈ نے کہا ہے کہ انڈر19ورلڈکپ کےدوران شاہین آفریدی سےبہت متاثرہواتھا،،18ماہ بعدشاہین آفریدی کوسینئرلیول پربہترین کارکردگی دکھاتےدیکھ کراچھالگا.اگرشاہین اپنی رفتارمیں مزیداضافہ کرپایا تووہ مچل اسٹارک کی طرح باؤلنگ کرسکتاہے.
یاد رہے کہ ورلڈ کپ کی تاریخ میں 30 جون 2019 سے قبل کسی بھی 20سال سے کم عمر باؤلر نے 4یا اس سے زائد وکٹیں نہیں لیں لیکن 19سالہ شاہین شاہ آفریدی نے یہ ریکارڈ تیس جون کو قائم کیا تھا۔
