پاکستان میوزک انڈسٹری کے عالمی شہرت یافتہ گلوکار عاطف اسلم نے ایک انٹرویو کے دوران اپنے جذباتی مداح کا واقعہ بتاتے ہوئے کہا کہ ان کے مداح نے تصویر نہ کھنچوانے پر ان کی گاڑی کو نقصان پہنچایا تھا۔

باغی ٹی وی : گلوکار عاطف اسلم کے پاکستان اور سرحد پار بھارت سمیت دنیا بھر میں لاکھوں مداح موجود ہیں جو ان سے بے حد محبت کرتے ہیں فنکاروں کے ساتھ ان کے جذباتی مداحوں کے واقعات اکثر منظر عام پر آتے رہتے ہیں جن سے اندازہ ہوتا ہے کہ کچھ مداح اپنے پسندیدہ فنکاروں کے لیے کس حد تک جذباتی ہوتے ہیں۔
https://www.instagram.com/p/CCSkdkFhA-F/
اسی طرح کا ایک واقعہ عاطف اسلم کے ساتھ بھی پیش آیا تھا عاطف اسلم کی نجی ٹی وی چینل کے شو مذاق رات میں واسع چوہدری کو دیئے ایک انٹرویو کی ویڈیو سوشل میڈیا پر وائرل ہو رہی ہے جس میں انہوں نے اپنے ساتھ ہونے والے ایک واقعہ کیا انکشاف کیا جس کو سُن کر شو کے میزبان واسع چوہدری، شو میں موجود گلوکارہ آئمہ بیگ اور دیگر لوگ حیران رہ گئے تھے۔

عاطف اسلم نےایک پاگل مداح کا واقعہ بتاتے ہوئے کہا کہ میری گاڑی میرے ایک دوست کے گھر کے باہر کھڑی ہوئی تھی اس وقت میرا ایک مداح آیا اور کہا کہ مجھے آپ کے ساتھ تصویر کھنچوانی ہے۔

تو میں نے کہا مجھے یاد پڑتا ہے میں نے تین دن پہلے آپ کے ساتھ تصویر کھنچوائی ہے جس پر اس مداح نے کہا نہیں وہ میں نہیں کوئی اور تھا جس پر عاطف اسلم نے کہا نہیں میں آپ کے ساتھ تصویر نہیں کھنچواؤں گا کیونکہ میں آپ کے ساتھ تصویر کھنچوا چکا ہوں اور پھر اس نے مجھے کہا میں آپ سے پیار کرتا ہوں میں نے کہا او کے اورمیں اندر چلا گیا۔

عاطف اسلم نے مزید کہا کہ جب میں دو گھنٹے بعد باہر آیا تو میری پوری گاڑی پر نشانات بنے ہوئے تھے اور گاڑی پر آئی لو یو عاطف اسلم لکھا ہوا تھا

بہت کم وقت میں اداکاری میں اپنی صلاحیتوں کا لوہا منوانے والے احد رضا نقل اتارنے میں بھی ماہر نکلے