اسلام آباد : وزیراعظم بزرگوں کے خدمتگاربن گئے ، اہم اعلان کردیا،اطلاعات کے مطابق ای اوبی آئی کارڈ ہولڈرز کو یوٹیلٹی اسٹورز پر سہولت فراہم کرنے کا معاہدہ طے پاگیا ، سہولت کارڈ سے بنیادی ضروری اشیا رعایتی نرخ پردی جائیں گی۔
ذرائع کے مطابق اس حوالے سے وزیراعظم نے معاون خصوصی ذلفی بخاری کو ہدایت کی تھی کہ وہ پاکستان کے ان بزرگوں کوزیادہ سے زیادہ سہولیات فراہم کرنے کے لیے اقدامات کریں ، جس کے بعد یہ معاہدہ عمل میں آیا ہے
تفصیلات کے مطابق یوٹیلٹی اسٹورز اور ای او بی آئی میں سہولت کارڈ کے اجرا کیلئے معاہدہ طے پاگیا، اس حوالے سے معاون خصوصی زلفی بخاری اور چیئرمین یوٹیلٹی اسٹورز نے نیوز کانفرنس کی۔
چیئرمین یوٹیلٹی اسٹورز ذوالقرنین خان نے کہا کہ ای اوبی آئی کارڈہولڈرزکویوٹیلٹی اسٹورز پر سہولت دیں گے، یوٹیلٹی اسٹورزکی جانب سے استفادہ کرنیوالوں کو سہولت کارڈ جاری کریں گے۔
ذوالقرنین خان نے مزید کہا کہ سہولت کارڈ سے بنیادی ضروری اشیا رعایتی نرخ پر فراہم کی جائیں گی ، سہولت کارڈ نادرا سے تصدیق کے بعد مستحقین کو جاری کیا جائے گا، بینیفیشری ہیلپ لائن نمبر 5566 پر خود کو رجسٹر کراسکیں گے۔
معاون خصوصی برائے اوورسیز پاکستانی زلفی بخاری نے خطاب کرتے ہوئے کہنا تھا کہ کہ ہم نے ای او بی آئی کی پینشن بڑھا کر 8500 کردی ہے، یوٹیلٹی اسٹور سہولت کارڈ سے پنشنرز کو مزید ایک ہزار روپے کا ریلیف ملے گا۔
یاد رہے چند روز قبل وزیراعظم عمران خان کی زیر صدارت وفاقی کابینہ کے اجلاس نے ای او بی آئی کی پنشنز میں اضافے کی منظوری دی گئی تھی ، جس کے بعد ای او بی آئی پنشنرز کو اب 8500 روپے ملیں گے۔
ادھر ذرائع کے مطابق اس فیصلے کے بعد بزرگوں نے دعائے دیتے ہوئے کہا ہے کہ وہ وزیراعظم کے فیصلوں سے بہت خوش ہیں اوران کی کامیابی کے لیے دعا گو بھی ہیں
