سرگودہا کےورلڈسنوکر چیمپئین کا بھرپور استقبال

سرگودہا(نمائندہ باغی ٹی وی )پاکستان کی نمائندگی کرتے ہوئے قطر کی سر زمین پر بھارتی ٹیم کو شکست دے کر وولڈ سنوکر چیمپئین شپ جیتنے والے سرگودہا کے سپوت محمد اسجد سرگودہا پہنچ گئے، جن کا بھرپور استقبال کیا گیا اورسنوکر شائقین نے وولڈ چیمپئین محمد اسجد کے اعزار میں غوثیہ چوک مقام حیات سے جشن ریلی نکالی، جو مختلف شاہراﺅں سے ہوتی ہوئی اسی مقام پر اختتام پذیر ہوئی، ریلی کے شرکاءنے اپنے قومی ہیرو کے ہمراہ شہر بھر کا چکر لگایا، اس موقع پر جگہ جگہ ان پر گل پاشی کی گئی ،اس موقع پر سنوکر چیمپئن محمد اسجد نے مداحوں کا شکریہ ادا کرتے ہوئے کہا کہ ملک کا نام روشن کر کے بہت خوشی ہو رہی ہے ، بالخصوص روایتی حریف بھارت کو شکست دینے کے یادگار لمحات کو نہیں بھلا سکتا،مگر یہاں حکومتی سطح پر نظر انداز کرنے کا بھی گلہ رہے گا،انہو ں نے کہا کہ کرکٹ کی طرح سنوکر کے کھیل میں بھی پاکستان نمایاں کامیابیاں سمیٹتا آیا ہے مگر کھلاڑیوں کی حکومتی سرپرستی نہ ہونے کی وجہ سے یہ شعبہ زبوں حالی کا شکار ہے مگر اس کے باوجود اپنی مدد آ پ کے تحت ہم سنوکر چیمپئن ہیں،جو کہ ایک طرح کا اعزاز بھی ہے حکومت کو چاہئے کہ وہ سنوکر کھلاڑیوں کی پذیرائی کےلئے بھی اقدامات اٹھائے ۔