اگرسوشانت سنگھ راجپوت کی موت سے متعلق اپنے دعوے ثابت نہیں کر سکی تو اپنا پدم شری ایوارڈ واپس کردوں گی کنگنا رناوت

بھارتی اداکارہ کنگنا رناوت کا کہنا ہے کہ اگر وہ سوشانت سنگھ راجپوت کی موت سے متعلق اپنے دعوے ثابت نہیں کر سکیں تو اپنا پدم شری ایوارڈ واپس کردیں گی۔

باغی ٹی وی : گذشتہ ماہ 14 جون کو خودکشی کر کے موت کو گلے لگانے والے سوشانت کی موت نے ایک ہنگامہ برپا کر دیا تھا اور لوگوں میں اقربا پروری پر ایک بحث چھڑ گئی تھی بعض اداکاروں اور سوشانت کے مداحوں نے بعض بالی وڈ شخصیات اور بالی وڈ کو سوشانت کی موت کی وجہ قرار دیا تھاان میں ہی اداکارہ کنگنا رناوت بھی ہیں –

سوشانت کی خود کشی کی وجہ کنگنا رناوت نے اقربا پروری کو قرار دیتے ہوئے کہا تھا کہ سوشانت سنگھ نے خود کشی نہیں کی بلکہ بھارتی فلم انڈسٹری میں اقربا پروری کے رویے نے سوشانت کو مجبور کیا کہ وہ خود اپنی جان لے لے کنگنا نے سوشانت کی موت کو ایک قتل قرار دیا تھا۔

حال ہی میں ایک بھارتی چینل پر دیئے گئے انٹرویو میں کنگنا نے بتایا ہے کہ ممبئی پولیس کی جانب سے انہیں سوشانت سنگھ خودکشی کیس سمن جاری کیا گیا ہے-

بھارتی میڈیا کے مطابق انہوں نے کہا کہ اگر وہ سوشانت سنگھ کی خود کشی سے متعلق کیے گئے دعوے ثابت کرنے میں ناکام ہوئیں تو وہ اپنا پدما شری ایوارڈ واپس کر دیں گی ۔

کنگنا نے کہا کہ انہوں نے ممبئی پولیس کو جواب بھجوایا ہے کہ وہ آج کل منالی میں مقیم ہیں کسی کو بھجوا کر اُن کا بیان ریکارڈ کروایا جا سکتا ہے مگر اس کے بعد سے ممبئی پولیس کی جانب سے کوئی جواب موصول نہیں ہوا ہے ۔