بلاول بھٹو زرداری نے پی پی پنجاب کے رہنماؤں کو بزدار حکومت کے خلاف اہم ٹاسک ذمے لگا دیا
باغی ٹی وی :پاکستان پیپلزپارٹی کے چیئرمین بلاول بھٹو زرداری کی سربراہی میں بلاول ہاؤس میں اہم اجلاس ، اجلاس میں پی پی پی اراکین پنجاب کابینہ، اراکین صوبائی اسمبلی، پارٹی کے مختلف ذیلی ونگز کے سربراہان سمیت دیگر سینئر رہنماؤں نےشرکت کی .
چیئرمین بلاول بھٹو زرداری سے پاکستان پیپلزپارٹی پنجاب کے رہنماؤں کا صوبے کی سیاسی صورت حال پر رائے کا اظہار کرتے ہوئے
اجلاس کے شرکاء نے اپوزیشن کو متحد کرنے کے حوالے سے کاوشوں کو سراہا.اجلاس میں پاکستان پیپلزپارٹی کو پنجاب بھر میں سیاسی طور پر مزید فعال کرنے کا فیصلہ کیا گیا
چیئرمین بلاول بھٹو زرداری نے پی پی پنجاب کے رہنماؤں کو بزدار حکومت کی نااہلیوں کو عوام میں اجاگر کرنے کا ٹاسک دے دیاپاکستان پیپلزپارٹی پنجاب کے کارکنان گھر گھر جاکر عوام کو پی ٹی آئی حکومت کی نااہلیوں سے آگاہ کریں،
پنجاب میں پی ٹی آئی حکومت عوامی مسائل کے حل میں ناکام ہوچکی ہے، وباء کے دنوں میں شعبہ صحت میں پنجاب حکومت کی ناکامی نے عوام کی زندگیوں کو خطرے میں ڈالا، پاکستان پیپلزپارٹی ہی پنجاب کے عوام کے مسائل کو حل کرسکتی ہے، وفاق میں پی ٹی آئی حکومت کو پنجاب کے 483 ارب روپوں پر ڈاکا ڈالنے نہیں دیں گے، عمران خان کے مطابق اگر پنجاب میں کرپشن ختم نہیں ہوئی تو یہ کرپشن کون کررہا ہے،
اجلاس میں اعتزاز احسن، قمر زمان کائرہ، اسلم گِل، چوہدری منظور، حسن مرتضی اور عثمان سلیم ملک، عاصم محمود بھٹی، ثمینہ خالد گھرکی، زوہیب بٹ، موسی کھوکھر، سید عنایت شاہ ،اجلاس میں عمران اٹھوال، علامہ یوسف اعوان، ڈاکٹر خیام حفیظ اور ڈاکٹر خالدجاوید جان الطاف حسین قریشی، عزیزالرحمان چن، اسرار الحق بٹ، مخدوم عثمان، علی حیدر گیلانی اور رئیس نبیل اجلاس میں غضنفر لانگاہ، ممتاز علی، شازیہ عابد اور بیرسٹر عامر بھی شریک ہوئے .
