کعبے کی رونق ،کووڈ 19 کے سبب حج سے محروم رہ جانے والے حاجیوں کی فریاد از قلم: عظمی ناصر (بنت ربانی)

کعبے کی رونق
{کووڈ 19 کے سبب حج سے محروم رہ جانے والے حاجیوں کی فریاد}

از قلم: عظمی ناصر (بنت ربانی)

الہی! کعبے کی رونق ہمیں واپس لوٹا دے
پھر اپنے گھر میں ہمیں تو بلا لے

حاجیوں کے لئے کھول دے اپنے گھر کو
سجدوں سے روشن کریں تیرے در کو

توں حاجت روا ہے تو ہی مشکل کشا ہے
دو عالم کا تو اکیلا ہی شہنشاہ ہے

اس موذی مرض سے ہماری جاں تو چھڑا دے
الہی! کعبے کی رونق ہمیں واپس لوٹا دے

آہ،چھن گئیں کتنی نعمتیں ہم سے
آہ،اٹھ گئیں کتنی برکتیں ہم سے

نہ کعبے کی زیارت،نہ زم زم کا پینا
حجر اسود کے بوسے سےگناہوں کا دھونا

لے جا ہمیں وہاں اور سوئی قسمت جگا دے
یا الہی،کعبے کی رونق ہمیں واپس لوٹا دے

غلاف کعبہ سے چمٹنے کو جی چاہتا ہے
تیری بارگاہ میں غم ہلکانے کو جی چاہتا ہے

کرے خوب حاجی عبادت اور نیکیاں کمالے
الہی،کعبے کی رونق ہمیں واپس لوٹا دے

ہم خطاکار ہیں،ہم گناہ گار ہیں
مانا کہ بہت ہی سیاہ کار ہیں

مگر تیرے نبی کے بھی پیروکار ہیں
خدایا!تیری رحمت کے طلبگار ہیں

اس عاصی کو مدینے کی گلیاں دکھا دے
الہی! کعبے کی رونق ہمیں واپس لوٹا دے