بھارتی حکومت مقبوضہ جموں و کشمیر میں مین اسٹریم قیادت کو تباہ کرنے میں مصروف
پی ڈی پی صدر و سابق وزیر اعلی محبوبہ مفتی کی صاحبزادی التجا مفتی نے کہا ہے کہ ‘پاکستان بزرگ علیحدگی پسند رہنما سید علی گیلانی کو اعلی سویلین ایوارڈ دینے کا ارادہ رکھتا ہے اوربھارتی حکومت جموں و کشمیر میں مین اسٹریم قیادت کو بدنام اور تباہ کرنے میں مصروف ہے’۔
ساوتھ ایشین وائر کے مطابق انہوں نے کہا کہ ‘جموں و کشمیر میں مین اسٹریم قیادت ان لوگوں پر مشتمل ہے جنہوں نے 70 سال تک بھارت کے لئے جدوجہد کی ہے’۔یہ وہ مین اسٹریم قیادت ہے جس نے 70 سال تک بھارت کے لئے جدوجہد کی ہے۔ مین اسٹریم میں پائی جانے والی اختلاف رائے کی آواز کو ختم کرنے کی اجتماعی کوششیں قابل ملامت ہیں’۔
پاکستانی سینیٹ یا پارلیمان کے ایوان بالا میں معمر حریت رہنما سید علی گیلانی کو ملک کے سب سے بڑے سویلین ایوارڈ ‘نشان پاکستان’ سے نوازنے کے لئے متفقہ طور پر ایک قرار داد منظور ہوئی ہے۔
قرار داد میں کہا گیا ہے کہ سید علی گیلانی کو طویل خدمات اور قربانیوں پر نشان پاکستان سے نوازا جائے اور ان کی جدوجہد کو قومی و صوبائی تعلیمی نصاب میں شامل کیا جائے۔ قرار داد میں مطالبہ کیا گیا ہے کہ وزیر اعظم ہاوس کے قریب بننے والی یونیورسٹی کو سید علی گیلانی کے نام سے منسوب کیا جائے۔
