یوم آزادی اور محرم میں کرونا سے بچاؤ کیلئے این سی او سی میں اہم اجلاس

باغی ٹی وی کی رپورٹ کے مطابق این سی او سی کا اجلاس وفاقی وزیر اسد عمر کی زیر صدارت ہوا ،

اجلاس میں کاروبار کھولنے سمیت، یوم آزادی اور محرم کے حوالہ سے صورتحال پر غوروخوض کیا گیا،فورم کو آگاہ کیا گیا کہ معاشرتی دوری کے اقدامات اور چہرے کے ماسک کو یقینی بنانے کے لئے ایک مکمل ضابطہ اخلاق بنایا گیا ہے۔عام کپڑے کا ماسک وائرس کو روکنے میں مددگار ثابت ہوا ہے،

وفاقی وزیر اسد عمر نے کہا کہ کہ صحت کے رہنما خطوط کے ساتھ مختلف شعبوں کو کھولنا ہوگا۔ کرونا کا خطرہ اب بھی موجود ہے اور اگر صحت کے رہنما خطوط پر عمل نہیں کیا جاتا ہے تو ہمیشہ خطرہ ہوتا ہے کہ بیماری پھر پھیل سکتی ہے۔

اسد عمر کا کہنا تھا کہ پاکستان کے عوام بہت ذمہ دار ہیں اور انہوں نے صحت کے مختلف رہنما خطوط پر عمل کیا۔ اگر اسی طرح محرم تک کرونا سے بچاؤ کے لئے ایس او پیز پر عمل کیا جائے تو اس سے صحت کے چیلنجوں کو کم کرنے میں مدد ملے گی۔

عیدالاضحیٰ مبارک، کرونا میں احتیاط کریں، محفوظ رہیں، ترجمان چینی وزارت خارجہ

محکمہ داخلہ پنجاب کا نام بدل کر کھالیں جمع کرنے والی تنظیموں کے خلاف کاروائی کا حکم

جانوروں کی قربانی کے ساتھ مفادات، ذاتی خواہشات کی قربانی ضروری ہے،علامہ ساجد نقوی

عید خوشیوں کا تہوار،ذاتی انا اور منافقت کو چھوڑ کر صرف ملک کا سوچنا ہے، وزیراعلیٰ پنجاب

فورم کو بتایا گیا کہ چونکہ ملک میں کرونا وائرس کی وبا پھیلنے میں واضح طور پر کمی دیکھنے میں آئی ہے لیکن عام طور پر ایس او پیز پر عملدرآمد کرنے کے معاملہ میں بھی کمی دیکھنے میں آئی ہے، عوامی مقامات پر ماسک اور سماجی فاصلوں پر عملدرآمدکے حوالہ سے بروقت اقدامات کئے جائیں۔ مہلک بیماری پوری طرح سے ختم نہیں ہوئی اور اس بیماری کے حوالے سے مروجہ ایس او پیز پر عملدرآمد کر کے ہی اس سے بچا جا سکتا ہے

اسد عمر نے وفاقی اور صوبائی انتظامیہ پر زور دیا کہ وہ آئندہ محرم کے دوران موثر اقدامات کے ذریعے عوام کی حفاظت کو یقینی بنائیں۔

این سی او سی کا وبائی امراض میں اضافے کو روکنے کیلئے عوامی بیداری مہم کو تیز کرنے کا فیصلہ