’موڈیز ریٹنگ عالمی وبا کے دوران پاکستانی معیشت کے لیے اچھی نوید ہے‘

اسلام آباد: ’موڈیز ریٹنگ عالمی وبا کے دوران پاکستانی معیشت کے لیے اچھی نوید ہے‘،اطلاعات کےمطابق وفاقی وزیر برائے صنعت و پیداوار حماد اظہار اور وفاقی وزیر برائے منصوبہ بندی اسد عمر نے موڈیز کی جانب سے جاری ہونے والی پاکستانی کی معاشی ریٹنگ پر بیان جاری کردیا۔

وفاقی وزیر برائے صنعت و پیداوار حماد اظہر اور وفاقی وزیر برائے منصوبہ بندی اسد عمر نے موڈیز ریٹنگ کے حوالے سے سماجی رابطے کی ویب سائٹ ٹویٹر پر بیان جاری کیے۔

Moody's has confirmed Pak's rating at B3 Stable. Many countries in region or globe have received a downgrade.
Our stable outlook is a result of PM's timely move towards smart lockdowns, sequential opening of industries/markets and placing importance on local circumstances.

— Hammad Azhar (@Hammad_Azhar) August 8, 2020

حماد اظہار نے لکھا کہ ’موڈیزکاپاکستان کی ریٹنگ بی3 اور آؤٹ لک مستحکم کرناحوصلہ افزا ہے، کروناکے باوجود پاکستان کی معیشت میں بہتری کو تسلیم کیاگیا ہے‘۔

انہوں نے لکھا کہ ’جون 2018 میں پاکستان کی ریٹنگ بی 3 منفی تک گئی تھی، پاکستان کی ریٹنگ میں کمی ن لیگ کی غلط پالیسیوں کی وجہ ہوئی تھی، دسمبر2019میں پی ٹی آئی حکومت کی پالیسیوں سےاقتصادی استحکام آیا، اسی وجہ سے پاکستان کی ریٹنگ آج بی3 مستحکم قرار دی گئی ہے‘۔

Moody's reconfirmed Pakistan's credit rating with a stable outlook. In the middle of a global pandemic its a testimony to the V shaped recovery Pakistan has seen with @ImranKhanPTI balanced approach to safeguarding national health & livelihoods, delivering success on both counts

— Asad Umar (@Asad_Umar) August 8, 2020

وفاقی وزیر برائے منصوبہ بندی اسد عمر کا کہنا تھا کہ ’موڈیز نے پاکستان کی کریڈٹ ریٹنگ کو مستحکم قرار دے دیا، عالمی وبا کے دوران یہ پاکستانی معیشت کیلئے اچھی نویدہے، موڈیز کا اعلان وزیراعظم عمران خان کی متوازن حکمت عملی پر اعتماد کا مظہر ہے، وزیراعظم کی توجہ قومی صحت، روزگار کے تحفظ اور سہولت عوام تک پہنچانے پر مرکوز ہیں۔