پشاور: پشاور: بی آر ٹی میں سفر کے دوران نسوار پر پابندی عائد،اطلاعات کے مطابق پشاور بی آر ٹی کی بسوں کو صاف رکھنے کے لئے انتظامیہ کی جانب سے نسوار کے استعمال پر پابندی لگا دی گئی ہے۔
مسافروں کو سفری سہولیات ایس او پیز پر عملدرآمد سے مشروط ہوں گی۔ انتطامیہ نے مسافروں کے لیے دوران سفر نسوار کے استعمال پر ہی نہیں بلکہ ساتھ رکھنے پر بھی پابندی عائد کر دی۔
بسوں میں صفائی کی صورتحال کو برقرار رکھنے کے لئے نسوار اور تمباکو والی اشیاء کو بسوں میں لانے پر پابندی لگادی گئی ہے۔
پشاور بی آر ٹی بسوں میں نسوار کی سخت پابندی، مسافروں کو تلاشی کے بعد بس میں بیٹھنے دیا جا رہا ہے۔ بس سٹیشن پر نسوار کے انبار لگ گئے۔۔ دیکھیے اردو نیوز کی خصوصی رپورٹ ۔۔
— Waseem Abbasi (@Wabbasi007) August 22, 2020
سفر کے دوران قینچی اور چھری لانے پر بھی پابندی ہے۔ بس میں نسوار اور تمباکو کے استعمال پر پابندی کے فیصلے پر شہری بھی خوش ہیں۔ میٹرو بس میں کورونا ایس او پیز کے تحت بغیر ماسک کے مسافروں کو سوار ہونے کی اجازت نہیں ہے۔
وزیراعظم عمران خان نے پشاور میں بی آر ٹی منصوبے کا افتتاح13 اگست کو کیا تھا۔ اس کا ستائیس کلو میٹر طویل ہے جس پر220 ائیر کنڈیشنڈ بسیں چلائی جا رہی ہیں۔
عوام کی سہولت کے لیے ایک ہی ٹریک پر دو روٹ متعارف کرائے گئے ہیں۔ چمکنی سے کارخانو مارکیٹ کا ایک روٹ سات اسٹاپ پر مشتمل ہے اور 45 منٹ میں سفر طے ہو گا۔
