ممبئی :بھارت میں طبی سہولیات کا فقدان: سنجے دت نے امریکہ سے علاج کرانے کے ٍفیصلہ کرلیا،اطلاعات کے مطابق بولی وڈ سنجو بابا کو تیسرے یا چوتھے درجے کے کینسر میں مبتلا ہونے کی اطلاعات سامنے آئیں تھیں جس کے بعد ان کی اہلیہ منائتا دت نے چند روز قبل بھارت میں علاج شروع کرانے کی تصدیق کی تھی۔
تاہم اب اطلاعات ہیں کہ سنجے دت نے امریکا کا ویزا حاصل کرلیا ہے اور جلد علاج کے لیے روانہ ہوں گے۔گزشتہ دنوں میں بھارتی میڈیا کی رپورٹس میں کہا گیا تھا کہ بھارت کے شہر ممبئی کے ہسپتال میں سنجے دت کی کیموتھراپی شروع ہونے کے امکانات ہیں۔اور انہیں لیلاوتی ہسپتال اور کوکیلا بین ہسپتال جاتے ہوئے بھی دیکھا گیا تھا۔ جس کے بعد ان کی اہلیہ منائتا دت نے سنجے دت کی گھر سے کوکیلا بین ہسپتال روانگی کی بعد بھارت میں علاج شروع کروانے کی تصدیق کی تھی۔
پنک ولا کی رپورٹ کے مطابق مڈ ڈے کی حالیہ رپورٹس میں دعویٰ کیا گیا ہے کہ سنجے دت نے طبی بنیادوں پر 5 سال کے لیے امریکا کا کا ویزا حاصل کرلیا ہے اور میموریل سلون کیٹیرنگ کینسر سینٹر میں علاج کرانے کا امکان ہے۔
خیال رہے کہ 1980 سے 1981 کے درمیان اسی ہسپتال میں ان کی والدہ نرگس دت بھی لبلبے (pancreatic) کے کینسر کے علاج کے لیے داخل ہوئی تھیں۔میموریل سلون کیٹیرنگ کینسر سینٹر سے بولی وڈ کے دیگر اداکاروں بشمول رشی کپور، منیشا کوئرالہ اور سونالی بیندرے نے بھی علاج کرایا تھا۔
رپورٹ میں ذرائع کے حوالے سے بتایا گیا کہ سنجے دت نے بیماری کا علم ہونے کے بعد امریکا کے ویزا کے لیے درخواست دی تھی تاہم 1993 میں بومبے دھماکوں میں سزا یافتہ ہونےکی وجہ سے انہیں کلیئرنس حاصل میں مسائل پیش آرہے تھے۔
ذرائع نے بتایا کہ سنجے دت کے ایک دوست نے کلیئرنس حاصل کرنے میں مدد کی۔مڈڈے کی رپورٹ کے مطابق خوش قسمتی سے سنجے دت کے ایک قریبی دوست طبی بنیادوں پر 5 سال کے لیے ویزا حاصل کرنے میں مدد کی۔
ٹائمز آف انڈیا کی رپورٹ کے مطابق سنجے دت کی جانب سے علاج کے لیے مانیتا اور پریا کے ہمراہ نیویارک جانے کا امکان ہے جہاں وہ میموریل سلون کیٹیرنگ کینسر سینٹر سے علاج کروائیں گے۔ رپورٹ میں مزید کہا گیا کہ سنجے دت کی بیٹی تریشالا بھی نیویارک میں رہتی ہیں۔سنجے دت جلد از جلد امریکا روانہ ہوجائیں گے۔
