اہل کراچی کے لیے موسم کے حوالے سے پھر پریشان کن خبر
باغی ٹی وی : کراچی میں مون سون سیزن اپنے عروج پر ہے، اب تک بارشوں کے 6 سپیل ہوچکے، آج سے ساتویں سپیل کی بھی پیش گوئی کر دی گئی۔ محکمہ موسمیات نے وارننگ جاری کرتے ہوئے کہا نشیبی علاقوں میں اربن فلڈنگ کا خدشہ ہے۔
شہر قائد میں اب تک اگست کی بارش کا 89 سالہ ریکارڈ ٹوٹ گیا ہے، محکمہ موسمیات نے ساتویں سپیل میں مختلف مقامات پر کہیں ہلکی تو کہیں تیز اور موسلا دھار بارش کا امکان ہے۔
محکمہ موسمیات نے متعلقہ اداروں کو ایڈوائزری بھی جاری کر دی۔ مون سون ہوائیں مشرقی سندھ میں داخل ہوگئیں، مون سون کا ساتواں سپیل پیر کی شب تک جاری رہے گا جس کے نتیجے میں کراچی میں گرج چمک کیساتھ بارش کا امکان ہے.
واضح رہے کہ سندھ میں بارشوں کے باعث ہر طرف تباہی مچی ہوئی ہے، صرف کراچی میں 90 سال کی بارشوں کا ریکارڈٹوٹ گیا کچھ علاقوں میں تاحال موجود ہیں جس کے باعث عوام کو شدید مشکلات کا سامنا کرنا پڑا رہا ہے۔
پاکستان پیپلز پارٹی کے سینیٹر اور سندھ حکومت کے ترجمان مرتضیٰ وہاب نے سماجی رابطے کی ویب سائٹ ٹویٹر پر بتایا کہ صوبائی حکومت نے 20 اضلاع کو آفت زدہ قرار دیدیا ہے۔
