دھماکوں سے متاثرہ بیروت کے لئے فنڈنگ کے لئے لبنانی ڈیزائنر کے اقدامات

گذ شتہ ماہ4 اگست کو بیروت میں ایک بڑے دھماکے کے نتیجے میں 200 سے زائد افراد کی ہلاکت اور ہزاروں کے زخمی ہونے کے بعد پوری دنیا کی متعدد شخصیات اور کاروباری اداروں نے لبنان کی حمایت کرنے کا عزم کیا ہے۔

باغی ٹی وی : گذشتہ ماہ 4 اگست کو بیروت کی بندرگاہ میں ہونے والے دھماکے سے اس کے قریبی علاقوں کو بھی شدید نقصان پہنچا تھا، درجنوں عمارتیں منہدم ہوگئیں تھیں جبکہ سینکڑوں افراد بے گھر ہوگئے تھے۔

جس کے بعد دنیا بھر کی معروف شخصیات اور کاروباری افراد نے لبنان کے ساتھ تعاون کرنے کا عزم کیا تھا اب حال ہی میں لبنانی ڈیزائنر رامی کڈی نے بھی بیروت کے لیے فنڈنگ کے لیے نیا اقدام اٹھایا ہے۔

عرب نیوز کی رپورٹ کے مطابق امریکا میں پیدا ہونے اور لبنان میں بڑے ہونے والے رامی کڈی نے اعلان کیا کہ وہ ہولناک دھماکے سے متاثر خاندانوں سے تعاون کے لیے ٹی شرٹس کا محدود ایڈیشن جاری کررہے ہیں جن کی کڑھائی پر خواتین کو بااختیار بنانے کے پیغامات درج ہیں۔
https://www.instagram.com/p/CEjH55ujNIx/?utm_source=ig_embed
ان ڈیزائن سے حاصل ہونے والی تمام رقم جس کی ریٹیل پرائس 66ڈالر ہے، اس سانحہ سے متاثرہ افراد کی مدد کے لیے چلنے والی ایک تنظیم فیملی ایڈ لبنان کو دی جائے گی۔

علاوہ ازیں 14 اگست کو انہوں نے اعلان کیا تھا کہ موسم خزاں 2020 کے کلیکشن میں سے ایک سے ہونے والی آمدن لبنانی تنظیم بیب ڈبلیو شیبک کو دی جائے گی جو دھماکے سے متاثرہ خاندانوں کو گھروں کی تعمیر نو میں مدد فراہم کررہی ہے۔

رامی کڈی جو غیر روایتی ڈیزائنر کے طور پر جانے جاتے ہیں ان شخصیات میں شامل تھے جن کے اسٹوڈیوز دھماکے میں تباہ ہوگئے تھے۔
https://www.instagram.com/p/CD3nI72Dg8C/?utm_source=ig_embed
ان میں ظہیر مراد، ایلی صاب، ربیح کیروز، آندریا وازن، ازی اور اوستا، نکولس جبران اور دیگر شامل ہیں۔

19 اگست کو ظہیر مراد نے اسی طرح کا اقدام شروع کیا تھا جس کا مقصد سیاسی اور مذہبی طور پر آزاد لبنانی غیر سرکاری تنظیم آفریجوئی کے لیے فنڈز اکٹھا کرنا تھا۔
https://www.instagram.com/p/CEZ0B-hFzhB/?utm_source=ig_embed
مراد نے ٹی شرٹس کے ذریعے پلیٹ ٖفارم پر ڈیزائنرز کی نمائندگی کے ان پر ‘رائز فرام دی ایشز’ ڈیزائن کیا تھا ٹی شرٹ سے حاصل ہونے والا تمام منافع ، جن کی ریٹیل قیمت25.99 ڈالر ہے، امدادی سرگرمیوں میں خرچ ہوگا۔

اس کے ساتھ ہی بہت سی مشہور شخصیات بشمول شکیرا، جینیفر لوپیز ، کورٹنی کارڈیشین وغیرہ نے لبنان کی حمایت ظاہر کرنے کے لیے ڈیزائنر کی ٹی شرٹ خریدی ہے

بیروت دھماکوں پر پاکستانی شوبز ستاروں کا اظہار افسوس

شہرہ آفاق سیریز ارطغرل غازی کے اداکاروں کا بیروت میں ہونے والے خوفناک دھماکوں پر…

ماہرہ خان کا بیروت دھماکوں پر غم کا اظہار