رسوڑے میں کون تھا؟ کی سوشل میڈیا پر دھوم

پچھلے کچھ چند دنوں سے سوشل میڈیا ویب سائٹس پر ہر طرف ‘رسوڑے میں کون تھا؟ کی دھوم ہے –

باغی ٹی وی : رسوڑے (کچن) میں کون تھا ایک بھارتی ٹی وی چینل سٹار پلس کے ڈرامے ساتھ نبھانا ساتھیا کا ڈائیلاگ ہے اور وائرل ہونے والی ویڈیو میں کوکیلا بین (روپل پٹیل) اپنی بہو گوپی (گیا مانیک) اور راشی (رچا ہسبنیس) کو چولہے پر چنے ڈالے بغیر خالی ککر چلانے پر ڈانٹ رہی ہوتی ہیں اور پوچھتی ہیں کہ رسوڑے میں کون تھا؟
https://www.instagram.com/p/CEHeALNJMjm/?utm_source=ig_embed
یہ سوپ سیریل 10 برس قبل شروع ہوا تھا اور 7 برس تک چلا تاہم اس کا یہ ویڈیو کلپ اس وقت وائرل ہوا جب بھارت کے ایک مقامی میوزک پروڈیوسر یش راج مکھاٹے نے اسی ویڈیو کلپ کا ریپ ورژن بنایا جو دیکھتے ہی وائرل ہوگیا اور انٹر نیٹ صارفین کی توجہ کا مرکز بن گیا صارفین نے اس پر مختلف میمز اور ویڈیوز بنائیں-

یہاں تک کہ سوشل میڈیا سائٹس پر صرف ایک ہی سوال زیر گردش ہے کہ رسوڑے میں کون تھا؟ایک صارف نے پوچھا کہ راشی بہن یہ کیا رویہ ہے؟

Well #Rashi ben what is this behaviour? pic.twitter.com/es1ggguW9q

— Dr.Sadiya Ameen (@AmeenSadiya) August 22, 2020

ایک ٹی وی شو کے دوران بھارتیہ جنتا پارٹی کے ترجمان سمبت پترا نے اسی ریپ ورژن کو کانگریس پر تنقید کے لیے استعمال کیا اور کہا رسوڑے میں راہول گاندھی تھے۔

'Rasode mai kon tha' is being used as an analogy by a BJP spokesperson 😂#SambitPatra 😂 pic.twitter.com/VtzBa12hfO

— Ravi Makhija (@RaviMakhija01) August 25, 2020

ایک صارف نے کیفے کھولنے اور اس کا نام رسوڑے میں کون تھا رکھنے کا مشورہ دیا-

open a cafe call it RASORAY MEIN KON THA

— Faizan. (@thoraoffbeat) August 21, 2020

ایک صارف نے کراچی کے حالات کے پیش نظر سوال کیا کہ رسوڑے کو چھوڑو یہ بتاؤ کہ اتنے سال سے سندھ حکومت میں کون تھا؟ میں تھا تم تھے یا بھٹو تھا؟
https://twitter.com/MuKayFire/status/1298962374301450240?s=20

raashi behn sneaking into the kitchen to take out all the chanaa and put empty cooker on the stove. pic.twitter.com/VQsTAtKiEF

— Nabeel. (@areynabeel) August 22, 2020

https://twitter.com/adalat_e_uzmaa/status/1297247452106547210?s=20
ایک صارف نے ایم کیو ایم چئیرمین الطاف حسین کی کچن میں کام کرنے کی میم بناتے ہوئے لکھا کہ رسوڑے میں الطاف بھائی تھے-
https://www.instagram.com/p/CEW90C6lswZ/?utm_source=ig_embed
پاکستانی اداکار محب مرزا نے بھی انسٹاگرام پر پوسٹ کی اور پوچھا کہ رسوڑے میں کون تھا؟
https://www.instagram.com/p/CEPN1vHDFl6/?utm_source=ig_embed
ایک صارف نے ویڈیو بنائی کی راشی بہن نے ککر میں سے چنے آخر نکالے کیوں؟

ویڈیو وائرل ہونے پر یش راج تو راتوں رات اسٹار بننے پر خوش ہیں جبکہ اس ڈرامے میں کوکیلا بین نامی خاتون کا کردار ادا کرنے والی اداکارہ روپل پٹیل بھی کافی خوش ہیں۔

اس حوالے سے انڈیا ٹوڈے سے بات کرتے ہوئے روپل پٹیل نے میمز بننے پر بہت خوشی کا اظہار کیا۔

انہوں نے کہا کہ میں تصور بھی نہیں کرسکتی تھی کہ میرے ڈائیلاگز ریپ گانے میں تبدیل ہوسکتے ہیں۔

روپل پٹیل نے بتایا تھا کہ انہیں مداحوں، دوستوں اور اہل خانہ کی جانب سے مبارک باد کے پیغامات موصول ہوئے تھے اور اداکارہ اور بھارتی سیاستدان سمرتی ایرانی نے بھی اس ویڈیو کو سوشل میڈیا پر شیئر کیا تھا تاہم بعدازاں انہوں نے یہ ویڈیو ڈیلیٹ بھی کردی تھی۔

روپل پٹیل نے مزید کہا کہ میں اور کیا کہہ سکتی ہوں یہ میرے لیے اعزاز ہے اور یہ موقع دینے پر اسٹار پلس کی شکر گزار ہوں۔

انہوں نے انٹرویو میںیش راج کی زبردست کمپوزیشن کی تعریف کرتے ہوئے بتایا کہ انہوں نے یش راج مکھاٹے سے رابطہ کیا ہے اور ان کا شکریہ ادا کیا ہے اور انہیں دعوت پر بُلایا ہے –

روپل پٹیل نے کہا کہ یش نے اپنی تخلیقی صلاحیتوں کا خوب استعمال کیا ہے اور اس نے اس گانے کو وائرل کردیا ہے۔ بلاشبہ کوکیلا مودی ایک مشہور کردار ہیں لیکن اب یہ ریپ گانا لوگوں کے دلوں میں اسے مزید یادگار بنا دے گا۔

روپل نے اپنے نئے آنے والے سیریل کے بارے میں بات کرتے ہوئے بتایا کہ وہ یہ رشتہ ہے پیار کا میں بطور میناکشی راجونش میں اپنا کام دوبارہ شروع کرنے پر جوش ہیں۔ وہ کہتی ہیں ،میں دوبارہ سیٹ پر واپس آکر خوش ہوں میں نے اس شو کو بہت یاد کیا۔ لیکن ہمیشہ پراعتماد رہی کہ ایک دن ہم واپس آجائیں گے اور اپنے ناظرین کو دوبارہ تفریح ​​فراہم کرتے رہیں گے۔ انہوں نے مزید کہا کہ راجن شاہی اور ڈائریکٹر کٹ کے ساتھ کام کرنا حیرت انگیز ہے-

دوسری جانب اس حوالے سے انڈین ایکسپریس سے گفتگو کرتے ہوئے یش راج مکھاٹے نے کہا تھا کہ ویڈیو وائرل ہونے کے بعد اگلے 2 روز تک انہیں مختلف فون کالز موصول ہوئی تھیں اور یہاں تک کہ روپل پٹیل نے بھی ان کے ذاتی نمبر پر کال کی تھی۔

انہوں نے بتایا تھا کہ یہ حیرت انگیز تجربہ تھا کیونکہ میں نے کبھی توقع نہیں کی تھی کہ ویڈیو اداکارہ تک پہنچ جائے گی۔

انہوں نے بتایا تھا کہ روپل پٹیل نے ان کی کوششوں کو سراہا تھا اور ملاقات کی دعوت دی-

یش راج کا کہنا تھا کہ اداکارہ مجھے صرف مبارک باد دے سکتی تھیں لیکن انہوں نے مجھ سے 10 منٹس تک بات کی جس پر مجھے تعجب ہوا۔

https://www.instagram.com/tv/CEMhi0WFJHs/?utm_source=ig_embed

ماورا حسین کے مطابق زندگی فسانہ اور پہیلی کیوں ہے ؟

مہوش حیات کا ظلم کے خلاف مزاحمت پر کشمیری عوام کو خراج تحیسن پیش