سرگودھا کے ذرائع کے مطابق تحصیل کونسل سرگودھا کے ایوان کی مجموعی تعداد 42 ہو گئی

حکومت نے نئے بلدیاتی نظام کے تحت معرض وجود مین آنے والے بلدیاتی اداروں میں عوامی نمائندوں کی سیٹوں کا نوٹیفکیشن جاری کر دیا۔ محکمہ لوکل گورنمنٹ سرگودھا کے ذرائع کے مطابق تحصیل کونسل سرگودھا کے ایوان کی مجموعی تعداد 42 ہو گئی، جس میں 30 جنرل، 6 خواتین، 4 لیبر، 2 اقلیت جبکہ تحصیل کونسل بھیرہ بھلوال، کوٹمومن، سلانوالی، ساہی وال اور شاہپور کی مجموعی نشستیں 35 ہونگی، جن میں 25 جنرل کونسلرز، پانچ پانچ خواتین، چار چار لیبر اور ایک ایک مینارٹی کونسلر جبکہ میٹرو پولیٹین کارپوریشن کا ایوان 42 کونسلروں پر مشتمل ہو گا، جس میں 30 جنرل، 6 خواتین، 4 لیبر اور 2 اقلیتی اسی طرح میونسپل کمیٹی بھلوال کے عوامی ممبران کی تعداد 21 ہو گئی، جس میں 15 جنرل کونسلر، تین خواتین، 2 لیبر اور ایک اقلیتی کونسلر جبکہ میونسپل کمیٹیز، بھیرہ، کوٹمومن، سلانوالی، ساہی وال اور شاہ پور کی مجموعی تعداد 14 کونسلرز کی ہو گی، جن میں دس دس جنرل دو دو خواتین، ایک ایک لیبر اور مینارٹی کونسلر ہونگے، اسی طرح ٹاﺅن کمیٹی میانی، پھلروان، بھابڑا، بھاگٹانوالہ، 46 اڈا، دھریمہ، فروکہ، جھاوریاں اور شاہپور سٹی کا عوامی نمائندوں کا ایوان چودہ کونسلروں پر مشتمل ہو گا، جس میں دس دس جنرل، دو دو خواتین اور ایک ایک لیبر اور مینارٹی کونسلرز ہونگے، انکے انتخابات سیاسی جماعتوں کی بنیاد پر ہونگے۔