واشنگٹن : اسرائیل کے ساتھ تعلقات کے معاملے پرسعودی شاہی خاندان میں اختلاف، باپ بیٹا آمنے سامنے:امریکی ذرائع ابلاغ نے دعویٰ کیا ہے کہ اسرائیل کے ساتھ تعقات کی برقراری کو لے کر آل سعود میں اختلافات پیدا ہو گئے ہیں۔
ذرائع کے مطابق امریکی اخبار وال اسٹریٹ جنرل نے آل سعود میں اسرائیل کے ساتھ روابط کی برقراری پر پائے جانے والے اختلافات سے پردہ اٹھاتے ہوئے دعوی کیا کہ اس حوالے سے کہ کیا سعودی عرب بھی اسی راستے کا انتخاب کرے گا جس کا امارات اور بحرین نے انتخاب کیا ہے شاہ سلمان اور ولی عہد بن سلمان میں اختلافات پائے جاتے ہیں۔
اخبار کے مطابق شاہ سلمان اسرائیل کے ساتھ روابط کی برقراری کے خلاف ہیں اور وہ اسرائیل کا بائیکاٹ چاہتے ہیں تاہم ولیعہد بن سلمان اسرائیل کے ساتھ تجارتی تعلقات کی برقراری کے حامی ہیں۔
یاد رہے کہ دوسری جانب امریکی صدر ٹرمپ نے چند روز قبل واضح طور پر کہا تھا کہ سعودی عرب مناسب موقع پر اسرائیل کے ساتھ تعلقات کی برقراری کا اعلان کرے گا۔
