لاہور:محکمہ اینٹی کرپشن نے پنجاب بھر سے 44 شوگر ملز مالکان کو ریکارڈ سمیت طلب کر لیا،اطلاعات کے مطابق اینٹی کرپشن پنجاب نے شوگر ملز مافیا کے گرد گھیرا مزید تنگ کرتے ہوئے صوبے بھر سے 44 شوگر ملز مالکان کو ریکارڈ سمیت طلب کر لیا
گنے کے کاشت کاروں کا استحصال ہرگز قبول نہیں، ملز مالکان کے خلاف بڑی تعداد میں شکایات موصول ہو رہی ہیں۔پچھلے 2 ہفتوں میں ڈھائی ہزار شکایات موصول ہوئیں،
انٹی کرپشن ذرائع کے مطابق متعین کردہ ریٹ سےکم قیمت کے حوالے سے 1363 شکایات آئیں،کاشت کاروں کورقم کی عدم ادائیگی سے متعلق 641 شکایات موصول ہوئیں۔ غیر قانونی کٹوتی کے حوالے سے 503 شکایات موصول ہوئیں،
یہ بھی معلوم ہوا ہے کہ زیادہ تر شکایات جنوبی پنجاب سے موصول ہوئیں۔پنجاب بھرمیں گنے کے کاشت کاروں کے لیے کھلی کچہریوں کا اہتمام کر رہے ہیں،محکمہ اینٹی کرپشن کسانوں کے ساتھ ہونے والے ناانصافی کا ازالہ کرےگا
