جاناں ملک نے اداکاری سے بریک لے کر آن لائن بیکنگ کا کام شروع کر دیا

ٹی وی کی نامور اور خوبصورت اداکارہ جاناں ملک پروفیشنل شیف بن گئیں۔

باغی ٹی وی : اداکارہ جاناں ملک پی ٹی وی سمیت نجی چینلز پر کئی یادگار ڈراموں میں کام کرچکی ہیں تاہم اب وہ پروفیشنل شیف بن چکی ہیں اور انہوں نے اداکاری سے بریک لے کر آن لائن بیکنگ کا کام شروع کردیا ہے۔ وہ انسٹاگرام پر’بیکس بائے جاناں ملک ‘ کے نام سے اپنا ایک آن لائن بیکنگ کا اکاؤنٹ بھی چلا رہی ہیں جس پر ان کے تقریباً ڈیڑھ لاکھ سے زائد فالوورز ہیں۔

اردو نیوز کو دئیے گئے انٹرویو میں انہوں نے اپنے نئے پروفیشن کے حوالے سے بات کرتے ہوئے کہا کہ کوکنگ کا شوق انہیں بچپن سے ہی تھا اور ان کی ہمیشہ سے خواہش تھی کہ وہ اداکاری کے ساتھ ساتھ کوکنگ بھی کریں یہ شوق انہیں اپنی نانی سے ورثے میں ملا۔

انہوں نے اپنے انٹر ویو میں تایا کہ بے شک اداکاری میرا پروفیشن تھا لیکن دل میں ہمیشہ یہ خواہش تھی کہ کوکنگ کروں۔

جاناں نے بتایا کہ کہ ان کے ساتھی فنکار بھی ان کے بنائے ہوئے کھانوں کی خوب تعریف کرتے تھے۔سرمد سلطان کھوسٹ کا ڈرامہ سیریل ’مور محل‘ کے دوران چھٹی کے دن میرے پاس ایک لمبی لسٹ ہوتی تھی کہ کیا کیا بنانا ہے میں شامی کباب بنا کر سیٹ پر لے جاتی تو سب اپنے گھروں سے آیا کھانا چھوڑ کر میرے کباب کھاتے یہاں سے میرے اعتماد بڑھا اور مجھے لگا کہ میرے ہاتھ میں ذائقہ ہے۔

انہوں نے اردو نیوز کو بتایا کہ ایسے ہی ایک دن میرے دل میں خیال آیا کہ کیوں نہ کچھ عرصہ کے لیے ایکٹنگ سے بریک لے کر کوکنگ کے شوق کو پورا کیا جائے بس پھر یوٹیوب پر موجود ریسپیز کو ٹرائی کرنا شروع کیا۔

جاناں ملک شوقیہ کوکنگ ایکسپرٹ نہیں ہیں بلکہ انہوں نےلاہور کے کوکنگ اسکول اسکافا سے باقاعدہ ڈپلومہ لے رکھا ہے جس کا مشورہ ان کی والدہ نے انہیں کوکنگ میں ان کا شوق دیکھتے ہوئے دیا تھا۔

انہوں نے بتایا کہ جب مجھ سے کلائنٹس ڈسکس کرتے ہیں کہ ایسا کیک بنا کر دیں اور ڈیکوریکٹ کریں تو مجھے بہت خوشی ہوتی ہے۔ میں جب آرڈر پر کیکس بناتی ہوں تو مجھے ایسا لگتا ہے براہ راست میں دوسروں کی خوشیوں میں شریک ہوگئی ہوں۔
https://www.instagram.com/p/CF7TaSjFHhV/?igshid=3ha5j26yi2rs
جاناں ملک کا کہنا ہے کہ وہ دنیا کو بتانا چاہتی ہیں کہ شوبز میں رہتے ہوئے بھی کچھ مختلف کیا جا سکتا ہے کھانا بنانا بنیادی ضرورت ہے اور یہ کام مرد اور عورت دونوں کو آنا چاہیے کھانا ہر کوئی بنا سکتا ہے بس محنت کی ضرورت ہے۔
https://www.instagram.com/p/CFyt5P8lcqo/?igshid=9ob68k8ki59t
آج کل بننے والی فلموں کے حوالے سے اداکارہ کا کہنا تھا کہ آج کل بھی فلمیں بہت اچھی بن رہی ہیں لیکن حکومت سے تعاون مل جائے تو بہت حد تک بہتری آسکتی ہے۔ انہوں نے بتایا کہ مجھے شان اور صائمہ کی جوڑی بہت پسند رہی ہے،بلکہ شان پر تو ایک عرصہ تک کرش بھی رہا ہے۔
https://www.instagram.com/p/CFaJYwdl2iI/?igshid=1ujgw6f810n20
اداکارہی کی طرف لوٹنے کے جواب میں جاناں نے کہا کہ اگر کوئی اچھا سکرپٹ ملا تو یقینا کروں گی لیکن روایتی کہانیوں میں کام کرنے میں فی الحال کوئی دلچپسی نہیں۔

انہوں نے مزید بتایا کہ میں جب کام کررہی تھی تو مجھے ایسا لگنے لگا تھا کہ جیسے نو سے پانچ کی کوئی ملازمت ہے سکرپٹس بھی ایک جیسے مل رہے تھے اس لیے کچھ وقت کے لیے کام سے بریک لی۔

سوشل میڈیا سے شہرت پانے والے ارشد خان المعروف چائے والا کونسا نیا پروجیکٹ شروع…

پاکستانی اداکارہ مہوش حیات کا بسکٹ کمپنی کے لئے نیا اشتہار،سوشل میڈیا پر بحث جاری