کورونا وائرس کی دوسری لہر، دنیا بھر کے مختلف ممالک کے شہروں میں لاک ڈاؤن نافذ
باغی ٹی وی : کورونا وائرس کی دوسری لہر کے پیشِ نظر دنیا بھر کے مختلف ممالک کے شہروں میں لاک ڈاؤن نافذ کیا گیا ہے اور شہریوں کو گھروں میں رہنے کی ہدایت کی گئی ہے۔
کینیڈین صوبےکیوبیک میں کورونا وائرس کی وباء کے گڑھ والے علاقوں میں سماجی اجتماعات کے خلاف کریک ڈاؤن کیا گیا ہے۔کینیڈین حکومت نےکورونا وائرس کی پھیلتی ہوئی وباء کے سبب شہریوں کو گھروں میں رہنے کی ہدایت کر دی۔غیر ملکی خبر ایجنسی کے مطابق اسپین کی مرکزی حکومت نے میڈرڈ میں لاک ڈاؤن پر عمل درآمد کرنے پر زور دیا ہے۔
ہسپانوی حکومت کا کہنا ہے کہ میڈرڈ میں لاک ڈاؤن پر عمل درآمد نہ کیا گیا تو ہنگامی صورتِ حال نافذ کر دی جائے گی۔سوئیڈن کی حکومت نے تقریبات میں 50 سے زائد افراد کی شرکت کی اجازت کا فیصلہ مؤخر کر دیا۔
