کوہاٹ:فائرنگ سے4 افراد جاں بحق:فائرنگ کرنے والاکون اہم خبرآگئی

کوہاٹ:کوہاٹ:فائرنگ سے4 افراد جاں بحق:فائرنگ کرنے والاکون اہم خبرآگئی،اطلاعات کے مطابق گمبٹ کے نواحی علاقے ناکبند میں مسلح افراد کی کار پر فائرنگ سے 4 افراد جاں بحق ہوگئے۔

ذرائع ابلاغ کے مطابق پولیس کا کہنا ہے کہ مخالفین گروہ کی جانب سے کار پر کی گئی فائرنگ سے 4 افراد موقع پر ہی دم توڑ گئے۔ واقعے کی اطلاع ملنے پر پولیس جائے وقوعہ پر پہنچ گئی۔

پولیس کے مطابق لاشوں کو سول اسپتال منتقل کردیا گیا ہے جب کہ ملزمان کی تلاش شروع کردی گئی ہے۔پولیس کا کہنا ہے کہ واقعے دشمنی کا شاخسانہ لگتا ہے، تفتیش جاری ہے۔

گزشتہ روز نوشہرہ کی ایک مقامی عدالت کے باہر خاتون کی جانب سے فائرنگ سے ایک شخص جاں بحق ہوگیا تھا۔ خاتون نے احاطہ کچہری میں اپنے مخالفین پر فائرنگ کردی تھی۔ واقعے میں دو افراد زخمی بھی ہوئے تھے۔

بعدازاں پولیس نے خاتون کو ہتھیار سمیت گرفتار کرلیا تھا۔ پولیس کے مطابق مقتول عدالت میں پیشی کے لیے آیا تھا، سماعت کے بعد فائرنگ کا واقعہ پیش آیا۔