پاکستان شوبز انڈسٹری کے سینئر اور لیجنڈ اداکار نعمان اعجاز کہنا ہے کہ ہمیں اپنی زندگی کا سی ای او خود بننا چاہیے۔
باغی ٹی وی : نعمان اعجاز سوشل میڈیا پر کافی متحرک رہتے ہیں وہ اکثر کسی نہ کسی حوالے سے پوسٹ اور معنی خیز شیئر کرتے دکھائی دیتے ہیں اُن کی تقریباً ہر پوسٹ میں کوئی شعر لازمی لکھا ہوتا ہے اور اُن کی پوسٹ سے ایسا معلوم ہوتا ہے کہ انہیں شاعری سے بہت لگاؤ ہے اپنی ان دلچسپ پو سٹس پر مداحوں کی جانب سے خوب تعریفیں سمیٹنے والے اداکار نعمان اعجاز نے ایک بار پھر اپنی پوسٹ کے ذریعے مداحوں کی تعریفیں سمیٹ لیں۔
سماجی رابطے کی ویب سائٹ انسٹاگرام پر نعمان اعجاز نے ایک سو ڈالر کے نوٹ کی تصویر پوسٹ کی ہے جس پر اداکار کی اپنی تصویر شائع ہے۔
https://www.instagram.com/p/CGIAc8bh-IC/
انسٹاگرام پر تصویر پوسٹ کرتے ہوئے نعمان اعجاز نے کیپشن میں لکھا کہ خود اپنی زندگی کا سی ای او بنیں اور پھر اپنے حساب سے جب چاہیں بھرتی کریں ترقی کریں یا پھر کسی کو نکا ل دیں ۔
علاوہ ازیں نعمان اعجاز نے کیپشن میں شعر بھی لکھا کہ کوشش نہ کرتو سبھی کو خوش رکھنے کی ،ناراض تو کچھ لوگ یہاں خدا سے بھی ہیں-
اس سے قبل نعمان اعجاز نے انسٹاگرام پر اپنی ایک نئی تصویر پوسٹ کی تھی جس میں اداکار سیاہ رنگ کے لباس میں ملبوس تھے اور نظر جُھکائے نیچے دیکھ رہے تھے۔
https://www.instagram.com/p/CGE2UOUhtOl/
تصویر شئیر کرتے ہوئے اداکار نے لکھا تھا کہ یہ دنیا سوچتی کچھ اور ہے اور بولتی کچھ اور ہے،مانتی کچھ اور ہے اور سمجھتی کچھ اور ہے اور چاہتی کچھ اور ہے نعمان اعجاز نے مزید لکھا تھا کہ دنیا مکمل کنفوزڈ ہے مکمل الجھن میں ہے جو تم ہو ہمیشہ وہ ہی رہو جہالت یعنی لا علمی نعمت ہے-
