لاہور میں پولیس کے زیر حراست ملزم کی ہلاکت پر پولیس والوں کے خلاف مقدمہ درج

شاہدرہ پولیس کی حراست میں شہری کی ہلاکت کا معاملہ۔ تھانہ شاہدرہ میں تین پولیس اہلکاروں سمیت پانچ افراد کے خلاف قتل کا مقدمہ درج کرلیا گیا۔

انچارج انویسٹی گیشن تھانہ شاہدرہ ،چوکی انچارج سگیاں اور فیکٹری مالک کو مقدمے میں نامزد کیا گیا۔ پولیس کا کہنا ہے کہ مقتول غلام حسین کی میت پوسٹ مارٹم کے بعد ورثاء کے حوالے کردی جائے گی۔ جبکہ واقعے کی تمام پہلووں سے تحقیقات کی جا رہی ہیں۔ مقدمے میں نامزد تمام افراد سے تفتیش کی جائے گی۔ دوسری جانب ورثا کا کہنا ہے کہ معاملے کی تفتیش کے لئے بنائی انکوائری کمیٹی نے رابطہ تک نہیں کیا۔ پولیس نے پیٹی بھائیوں کو رات گھر جانے۔ مقدمہ میں کسی پولیس اہلکار کو حوالات میں بند نہیں کیا گیا۔

یاد رہے کہ اتوار کو تھانہ شاہدرہ میں زری حراست ملزم کی حوالات میں ہلاکت ہو گئی۔ جس پر سی سی پی او لاہور نے واقعے کا نوٹس لے رکھا ہے۔