لاہور: زمبابوے کی سیکیورٹی ٹیم نے لاہور میں انتظامات کو تسلی بخش قرار دے دیا،اطلاعات کے مطابق پاکستان کا کرکٹ دورہ کی خواہش رکھنے والی زمبابوے کرکٹ بورڈ کی سیکیورٹی ٹیم نے لاہور میں اپنی کرکٹ ٹیم کی سیکیورٹی کے انتظامات کو تسلی بخش قرار دے دیا۔
زمبابوےکرکٹ بورڈ کی 5 رکنی سیکیورٹی ٹیم نے لاہور میں سول سیکرٹریٹ اورپنجاب سیف سٹیز اتھارٹی کا دورہ کیا۔سیکیورٹی ٹیم نے محکمہ داخلہ پنجاب کے کنٹرول روم اور سی سی ٹی وی کیمروں سے سیکیورٹی نگرانی کا جائزہ لیا۔
ایڈیشنل سیکرٹری، ڈپٹی کمشنر لاہور، ایم ڈی سیف سٹیز اتھارٹی راؤ سردار علی خان اور سی او او کامران خان سمیت دیگر حکام نے انہیں بریفنگ دی۔حکام نے ٹیم کو ائیر پورٹ اور اسٹیڈیم کے روٹس، ہوٹلز، پارکنگ اورپولیس فورس سے متعلق آگاہ کیا۔
زمبابوے سیکیورٹی ٹیم کا کہنا تھا کہ لاہور کی سیکیورٹی کا پلان زبردست تیار کیا گیا، پنجاب کی جانب سے جو پلان مرتب کیا گیا، ہم اس سے مطمئن ہیں۔
