نئی دہلی : ساس بہوکی صدیوں پرانی لڑائی جوختم نہ ہوسکی:ساس پربہیمانہ تشدد کی ویڈیو وائرل،رونگٹے کھڑے ہوگئے،اطلاعات کے مطابق عمر رسیدہ خاتون کو سرعام زدوکوب کرنے والی بہو کے خلاف مقدمہ درج کرلیا گیا۔
غیر ملکی خبر رساں ادارے کی رپورٹ کے مطابق بھارت سے ایک مرتبہ پھر بہو کے ہاتھوں معمر ساس پر تشدد کی خبریں میڈیا کی زینت بن رہی ہے، جس کی ویڈیو بھی سوشل میڈیا پر وائرل ہورہی ہے۔
بھارتی ریاست تلنگانہ کے شہر حیدر آباد میں یہ دل سوز واقعہ پیش آیا جس میں ایک خاتون اپنی 55 سالہ ساس کو گھر سے گھسیٹتے ہوئے گلی میں لے آئی اور سرعام تشدد کا نشانہ بناتی رہی۔
https://youtu.be/t7KrxKfYgkA
میڈیا رپورٹس میں بتایا گیا ہے کہ خاتون نے گھریلو تنازعہ کے باعث اپنی ساس کو بے رحمی سے زد و کوب کیا، لیکن یہ بھول گئی کہ خود بھی قانون کی گرفت میں آسکتی ہے۔
گلی میں سی سی ٹی وی کیمرے نے ساس پر بدترین تشدد کا مجرمانہ اقدام قید کرلیا جس کی مدد سے پولیس نے ملزمہ کے خلاف تعزیرات ہند (آئی پی سی) کی دفعات 323 اور 70 (بی) کے تحت مقدمہ درج کرلیا۔
