ڈبلیو ڈبلیو ای اسٹار اور اداکار جان سینا نے دوسری شادی کر لی

ریسلنگ کی دنیا کے معروف کھلاڑی جان سینا اور اداکار نے اپنی گرل فرینڈ شی شریعت زادے سے فلوریڈا میں خاموشی سے شادی کرلی ہے-

باغی ٹی وی : غیر ملکی میڈیا رپورٹس کے مطابق ڈبلیو ڈبلیو ای اسٹار جان سینا نے اپنی گرل فرینڈ شی شریعت زادے سے فلوریڈا میں 2012 کے بعد جان سینا دوسری بعد رشتہ ازدواج میں منسلک ہوئے ہیں۔

43 سالہ عالمی شہرت یافتہ ریسلر نے اپنی شادی کو ابھی تک تو منظر عام پر نہیں لائے تاہم غیر ملکی میڈیا رپورٹس میں بتایا جارہا ہے کہ جان سینا نے شادی کی ایک چھوٹی تقریب منعقد کی جس میں قریبی لوگوں نے شرکت کی۔

Love involves constant effort. When you are truly ready to let love in and give to love all it needs to flourish, I feel there is no greater more rewarding connection.

— John Cena (@JohnCena) October 9, 2020

رپورٹس میں کہا جارہا ہے کہ ڈبلیو ڈبلیو ای اسٹار اور اداکار نے با ضابطہ کسی بھی چیز کا اعلان نہیں کیا اور نہ ہی انہوں نے فوٹو شوٹ کے لیے پریس کو مدعو کیا۔

جان سینا نے 2019 کے اوائل میں اداکارہ شی شریعت زادے سے ڈیٹنگ کا آغاز کیا دونوں کی پہلی ملاقات ’پلیئنگ ود فائر‘ کے سیٹ پر ہوئی۔

شی کا ریسلنگ سے کوئی تعلق نہیں ہے ، وہ گریٹر وینکوور ایریا سے تعلق رکھتی ہے ، اور پروجیکٹ مینیجر کی حیثیت سے کام کرتی ہے۔ اس نے الیکٹریکل انجینئرنگ میں بیچلر کی ڈگری حاصل کی ہے

جان سینا نے اپنی پہلی بیوی الزبتھ ہیوبرڈیو کو تین سال رشتہ ازدواج میں منسلک رہنے کے بعد 2012 میں طلاق دیدی تھی الزبتھ سے ان کی ملاقات ہائی اسکول میں ہوئی تھی۔

جس کے بعد جان سینا ڈبلیو ڈبلیو ای اسٹار نکی بیلا سے تعلقات میں رہے تاہم 2018 میں نکی بیلا نے بھی اپنے ٹوئٹر اکاؤنٹ پر ایک بیان جاری کیا جس میں انہوں نے جان سینا سے تعلق کی ختم کرنے کا اعلان کیا۔

جان سینا اور ان کی منگیتر نکی بیلا 6 برسوں سے ایک ساتھ تھے تاہم ان دونوں نے اپنا رشتہ ختم کرنے کا اعلان کردیا تھا۔

We love you all ❤️ N pic.twitter.com/ooACLFXeMv

— Nikki & Brie (@BellaTwins) April 16, 2018

نکی بیلا نے اپنی سوشل میڈیا پوسٹ میں بتایا تھا کہ 6 سال ساتھ رہنے کے بعد میں اور جان سینا الگ ہونے کا فیصلہ کررہے ہیں یہ فیصلہ کافی مشکل تھا لیکن ہمارے دلوں میں ایک دوسرے کے لیے عزت اور پیار ہمیشہ رہے گا، ہم آپ سے بھی امید کرتے ہیں کہ آپ بھی ہمارے فیصلے کا احترام کریں۔

خیال رہے کہ جان سینا اور نکی بیلا کی منگنی سال 2017 اپریل میں ہوئی تھی جبکہ سال 5 مئی 2018 کو ان دونوں کی شادی ہونے والی تھی جان سینا نے ایک میچ کے دوران ہی نکی کو سب کے سامنے شادی کی پیشکش کی تھی۔
https://www.instagram.com/p/BhnbRvBA_Lo/?utm_source=ig_embed
دوسی جانب یہ رشتہ ختم کرنے کی تصدیق جان سینا نے بھی اپنے انسٹاگرام اکاؤنٹ پر کی تھی لیکن دونوں نے اس کی وجہ نہیں بتائی تھی-